[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 9 # Different Upanishads 9: atha pañcamī vallī Different Upaniṣads 9 - **Language:** Sanskrit ### atha pañcamī vallī ### [9.1](https://indike.org/pramana/in.veda.upanisad.mukhya.differentupanisads.9.1) oṃ puramekādaśadvāramajasyāvakracetasaḥ | anuṣṭhāya na śocati vimuktaśca vimucyate | etadvai tat ### [9.2](https://indike.org/pramana/in.veda.upanisad.mukhya.differentupanisads.9.2) haṃsaḥ śuciṣadvasurantarikṣasaddhotā vediṣadatithirduroṇasat | nṛṣadvarasadṛtasadvyomasadabjā gojā ṛtajā adrijā ṛtaṃ bṛhat ### [9.3](https://indike.org/pramana/in.veda.upanisad.mukhya.differentupanisads.9.3) ūrdhvaṃ prāṇamunnayatyapānaṃ pratyagasyati madhye vāmanamāsīnaṃ viśve devā upāsate ### [9.4](https://indike.org/pramana/in.veda.upanisad.mukhya.differentupanisads.9.4) asya visraṃsamānasya śarīrasthasya dehinaḥ dehādimucyamānasya kimatra pariśiṣyate| etadvai tat ### [9.5](https://indike.org/pramana/in.veda.upanisad.mukhya.differentupanisads.9.5) na prāṇena nāpānena martyo jīvati kaścana itareṇa tu jīvanti yasminnetāvupāśritau ### [9.6](https://indike.org/pramana/in.veda.upanisad.mukhya.differentupanisads.9.6) hanta ta idaṃ pravakṣyāmi guhyaṃ brahma sanātanam yathā ca maraṇaṃ prāpya ātmā bhavati gautama ### [9.7](https://indike.org/pramana/in.veda.upanisad.mukhya.differentupanisads.9.7) yonimanyee prapadyante śarīratvāya dehinaḥ sthāṇumanye'nusaṃyanti yathākarma yathāśrutam ### [9.8](https://indike.org/pramana/in.veda.upanisad.mukhya.differentupanisads.9.8) ya eṣa supteṣu jāgarti kāmaṃ kāmaṃ puruṣo nirmimāṇaḥ tadeva śukraṃ tad brahma tadevāmṛtamucyate ### [9.9](https://indike.org/pramana/in.veda.upanisad.mukhya.differentupanisads.9.9) tasmim̐llokāḥ śritāḥ sarve tadu nātyeti kaścana etadvai tat ### [9.10](https://indike.org/pramana/in.veda.upanisad.mukhya.differentupanisads.9.10) agniryathaiko bhuvanaṃ praviṣṭo rūpaṃ rūpaṃ pratirūpo babhūva ekastathā sarvabhūtāntarātmā rūpaṃ rūpaṃ pratirūpo bahiśca ### [9.11](https://indike.org/pramana/in.veda.upanisad.mukhya.differentupanisads.9.11) vāyuryathaiko bhuvanaṃ praviṣṭo rūpaṃ rūpaṃ pratirūpo babhūva ekastathā sarvabhūtāntarātmā rūpaṃ rūpaṃ pratirūpo bahiśca ### [9.12](https://indike.org/pramana/in.veda.upanisad.mukhya.differentupanisads.9.12) sūryo yathā sarvalokasya cakṣurna lipyate cākṣuṣairbāhyadoṣaiḥ ekastathā sarvabhūtāntarātmā na lipyate lokaduḥkhena bāhyaḥ ### [9.13](https://indike.org/pramana/in.veda.upanisad.mukhya.differentupanisads.9.13) eko vaśī sarvabhūtāntarātmā ekaṃ rūpaṃ bahudhā yaḥ karoti tamātmasthaṃ ye'nupaśyanti dhīrāsteṣāṃ sukhaṃ śāśvataṃ netareṣām ### [9.13-2](https://indike.org/pramana/in.veda.upanisad.mukhya.differentupanisads.9.13-2) tamātmasthaṃ buddhyau sthitaṃ ātmānaṃ ye dhīrāḥ vivekinaḥ anupaśyanti ācāryopadeśānantaraṃ sākṣādanubhavanti teṣāṃ ātmasākṣātkāravatāṃ śāśvataṃ nityaṃ sukhaṃ ātmānando bhavati netareṣāṃ anātmavidāmuktasukhaṃ na bhavatītyarthaḥ ### [9.14](https://indike.org/pramana/in.veda.upanisad.mukhya.differentupanisads.9.14) nityo'nityānāṃ cetanaścetanānāṃ eko bahūnāṃ yo vidadhāti kāmān | tamātmasthaṃ ye'nupaśyanti dhīrāsteṣāṃ śāntiḥ śāśvatī netareṣām ### [9.15](https://indike.org/pramana/in.veda.upanisad.mukhya.differentupanisads.9.15) tadetaditi manyante'nirdeśyaṃ paramaṃ sukham kathaṃ nu tadvijānīyāṃ kimu bhāti vibhāti vā ### [9.16](https://indike.org/pramana/in.veda.upanisad.mukhya.differentupanisads.9.16) na tatra sūryo bhāti na candratārakaṃ nemā vidyuto bhānti kuto'yamagniḥ| tameva bhāntamanubhāti sarvaṃ tasya bhāsā sarvamidaṃ vibhāti ### [9.5-2](https://indike.org/pramana/in.veda.upanisad.mukhya.differentupanisads.9.5-2) iti dvitīyādhyāye pañcamī vallī samāptā --- Source: [https://indike.org/pramana/in.veda.upanisad.mukhya.differentupanisads.9](https://indike.org/pramana/in.veda.upanisad.mukhya.differentupanisads.9) · Pramāṇa