Jaiminiyopanishad 112
Jaiminīyopaniṣad 112
- Language
- Sanskrit
112.1
saptamaḥ khaṇḍaḥ
tadetadṛcābhyanūcyate—
pataṅgamaktamasurasya māyayā hṛdā paśyanti manasā vipaścitaḥ
samudre antaḥ kavayo vicakṣate
marīcīnāṃ padamicchanti vedhasaḥ
iti
112.2
(ṛ. ve. 10.177.1.)
pataṅgamaktamiti | prāṇo vai pataṅgaḥ | patatriva hyeṣvaṅgeṣvati
rathamudīkṣate | pataṅga ityācakṣate
112.3
asurasya māyayeti | mano vā asuram | tadyatsuṣu ramate
tasyeṣa māyayāktaḥ
112.4
5 hṛdā paśyanti manasā vipaścitaḥ iti | hṛdevaṃ hyete paśyanti
yanmanasā vipaścitaḥ
112.5
samudre antaḥ kavayo vicakṣata iti | puruṣo vai samudraḥ | evaṃvida u kavayaḥ | sa imāṃ puruṣe'ntarvācaṃ vicakṣate
112.6
marīcīnāṃ padamicchanti vedhasaḥ iti | marīcya iva vā etā
10 devatā yadagnirvāyurādityaścandramāḥ
112.7
na ha vā etāsāṃ devatānāṃ padamasti | padeno ha vai punarmṛtyuranveti
112.8
tadetadanvitaṃ sāma punarmṛtyunā | ati punarmṛtyuṃ tarati | ya evaṃ veda
Linked texts (1)
- Jaiminīyopaniṣadbrāhmaṇa — Sanskrit