Jaiminiyopanishad 114
Jaiminīyopaniṣad 114
- Language
- Sanskrit
114.1
navamaḥ khaṇḍaḥ
apaśyaṃ gopāmanipadyamānam
ā ca parā ca pathibhiścarantam
sa sadhrīcīḥ sa viṣūcīrvasāna
ā varīvarti bhuvaneṣvantaḥ
iti
114.2
(ṝ. ve. 10.177.3)
apaśyaṃ gopāmanipadyamānam iti | prāṇo vai gopāḥ | sa hīdaṃ sarvamanipadyamāno gopāyati
114.3
ā ca parā ca pathibhiścarantam iti | tadve ca ha vā ime prāṇā amī ca raśmaya etairvā epa etadā ca parā ca pathibhiścarati
114.4
sa sadhrīcīḥ sa viṣūcīrvasāna iti | sadhrīcīśca hopa etadviṣūcīśca prajā vaste
114.5
ā varīvarti bhuvaneṣvantaḥ iti | eṣa hyevaiṣu bhuvaneṣvantarāvarīvarti
114.6
sa eṣa indra udgīthaḥ | sa yadeṣa indra udgītha āgacchati
naivodgāturucopagātṛṇāṃ ca vijñāyate | ita evordhvaḥ svara udeti | sa
5 upari mūrdhano lelāyati
114.7
sa vidyādāgamadindraḥ neha kaścana pāpmā nyaṅṅaḥ pariśeṣyata
iti | tasmin ha na kaścana pāpmā nyaṅṅaḥ pariśiṣyate
114.8
tadetadabhrātṛvyaṃ sāma | na ha vā indraḥ kaścana bhrātṛvyaṃ paśyate
sa yathendro na kaṃcana bhrātṛvyaṃ paśyate evameva na kaṃcana bhrātṛvyaṃ paśyate
10 ya etadevaṃ veda | ayo yasyaivaṃ vidvānudgāyati
Linked texts (1)
- Jaiminīyopaniṣadbrāhmaṇa — Sanskrit