Jaiminiyopanishad 122
Jaiminīyopaniṣad 122
- Language
- Sanskrit
122.1
iti caturthe'dhyāye prathamo'nuvākaḥ samāptaḥ
dvitīyo'nuvākaḥ
puruṣo vai yajñaḥ
122.2
tasya yāni caturviṃśatirvarṣāṇi tat prātaḥsavanam | caturviṃśatyakṣarā gāyatrī | gāyatraṃ prātaḥsavanam
122.3
tad vasūnām | prāṇā vai vasavaḥ | prāṇā hīdaṃ sarvaṃ vasvādadate
122.4
sa yadyenametasmin kāla upatapadrupadravet sa brūyāt prāṇā vai vasavaḥ
idaṃ me prātaḥsavanaṃ mādhyandinena savanena anusaṃtanuteti | agado haiva
bhavati
122.5
atha yāni caturaścatvāriṃśata varṣāṇi tanmādhyandinaṃ savanam
caturaścatvāriṃśadakṣarā triṣṭup | traiṣṭubhaṃ mādhyandinaṃ savanam
122.6
tadrudrāṇām | prāṇā vai rudrāḥ | prāṇā hīdaṃ sarvaṃ rodayanti
122.7
sa yadyenametasmin kāla upatapadrupadravet | sa brūyāt prāṇā rudrā idaṃ
me mādhyandinaṃ savanaṃ tṛtīyasavanenānusaṃtanuteti | agado haiva bhavati
122.8
atha yānyaṣṭācatvāriṃśataṃ varṣāṇi tat tṛtīyasavanam | aṣṭācatvāriṃśadakṣarā jagatī | jāgataṃ tṛtīyasavanam
122.9
tadādityānām | prāṇā vā ādityāḥ | prāṇā hīdaṃ sarvamādadate
122.10
sa yadyenametasmin kāla upatapadrupadravet sa brūyāt | prāṇā ādityā
idaṃ me tṛtīyasavanamāyuṣānusaṃtanuteti | agado haiva bhavati
122.11
etaddha tadvidvān brāhmaṇa uvāca | mahidāsa aitareya upatapati
kimidamupatapasi yo'hamanena upatapatā na preṣyāmīti | sa ha ṣoḍaśaśataṃ varṣāṇi jijīva | pra ha ṣoḍaśaśataṃ varṣāṇi jīvati nainaṃ prāṇaḥ
sāmyāyuṣo jahāti | ya evaṃ veda
Linked texts (1)
- Jaiminīyopaniṣadbrāhmaṇa — Sanskrit