Jaiminiyopanishad 124
Jaiminīyopaniṣad 124
- Language
- Sanskrit
Contents
- 124.9 — 1 part
124.1
ṣaṣṭho'nuvākaḥ
prathamaḥ khaṇḍaḥ
bhageratho haiśvāko rājā kāmapreṇa yajñena yakṣyamāṇa āsa
124.2
tadu ha kurupāñcālānāṃ brāhmaṇā ūcuḥ | bhageratho ha vā ayamai'śvāko rājā kāmapreṇa yajñena yakṣyamāṇaḥ etena kathāṃ vadiṣyāma iti
124.3
taṃ hābhyeyuḥ | tebhyo hābhyāgatebhyo'pacitiścakāra
124.4
atha haiṣāṃ sa bhāga āvavrāja uṣtvā keśaśmaśrūṇi nakhān nikṛtya
ājyena abhyajya daṇḍopānahaṃ bibhrat
124.5
tān hovāca | brāhmaṇā bhagavantaḥ katamo vastad veda yathāśrāvitapratyāśrāvite devān gacchata iti
124.6
atha hovāca | katamo vastadveda yadviduṣaḥ sudgātā suhotā svadhvaryuḥ sumānuṣavidājāyata iti
124.7
atha hovāca | katamo vastad veda yacchandāṃsi prayujyante
yatāni sarvāṇi saṃstutāni abhisaṃpadyante iti
124.8
atha hovāca | katamo vastad veda yathā gāyatryā uttame akṣare
punaryajñamapigacchata iti
124.9
atha hovāca | katamo vastadveda yathā dakṣiṇāḥ pratigṛhītā na
hiṃsantīti
124.9.p1
iti caturthe'dhyāye ṣaṣṭhe'nuvāke prathamaḥ khaṇḍaḥ
Linked texts (1)
- Jaiminīyopaniṣadbrāhmaṇa — Sanskrit