Jaiminiyopanishad 2
Jaiminīyopaniṣad 2
- Language
- Sanskrit
2.1
dvitīyaḥ khaṇḍaḥ
sa yad om iti so'gniḥ, vāg iti pṛthivī | om iti vāyuḥ, vāg iti antarikṣam | om iti ādityaḥ, vāg iti dyauḥ | om iti prāṇaḥ, vāg ityeva vāk
2.2
sa ya evaṃ vidvān udgāyati om ityeva agnimādāya pṛthivyāṃ pratiṣṭhāpayati | om ityeva vāyumādāya antarikṣe pratiṣṭhāpayati | om ityeva ādityamādāya divi pratiṣṭhāpayati | om ityeva prāṇamādāya vāci pratiṣṭhāpayati
2.3
tadetacchailanā gāyatraṃ gāyanti | ovā ovā ovā humbhā ovā iti
2.4
tadu ha tat parāṅ ivānāyuṣyamiva | tad vāyośca apāṃ cānu varma geyam
2.5
dve vāyuḥ parāṅgeva paveta kṣīyeta | sa purastād vāti | sa dakṣiṇataḥ | sa paścāt | sa uttarataḥ | sa upariṣṭāt | sa sarvā diśo'nusaṃvāti
2.6
tadetad āhuridānīṃ vā ayamito'vāsīt | athetyād vātīti | sa yadgacchamāṇam ajamāno niveṣṭamāno vāti | kṣayādeva vibhayat
2.7
yadu ha vā āpaḥ parācīreva prasṛtāḥ syanderan kṣīyeraṃstāḥ | yadaṅgāsi kurvāṇā niveṣṭamānā āvartānu sṛjamānā yanti kṣayādeva vibhyatīḥ | tadetad vāyoścaiva apāṃ cānu varma geyam
Linked texts (1)
- Jaiminīyopaniṣadbrāhmaṇa — Sanskrit