Jaiminiyopanishad 32
Jaiminīyopaniṣad 32
- Language
- Sanskrit
Contents
- 32.11 — 1 part
32.1
20 iti prathamādhyāye daśame'nuvāke prathamaḥ khaṇḍaḥ
dvitīyaḥ khaṇḍaḥ
sa yaddha kica kiṃcaiva vidvāneṣu lokeṣu kurute svasya haiva tat svataḥ
kurute | tadetadṛcābhyanūcyate
yad dyāvaṃ indra te śataṃ śataṃ bhūmīruta syuḥ
na tvā vajrintsahasraṃ sūryā anu na jātamaṣṭa rodasī
iti
32.1-2
(ṛ. ve. 8.70.5; sā. ve. 278.)
daśamo'nuvākaḥ samāptaḥ
ekādaśo'nuvākaḥ:
prathamaḥ khaṇḍaḥ:
trivṛtsāma catuṣpāt | brahma tṛtīyam | indrastṛtīyam
prajāpatistṛtīyam | annameva caturthaḥ pādaḥ
32.2
tad yad vai brahma sa prāṇaḥ | atha ya indaḥ sā vāk | atha yaḥ
prajāpatiḥ tanmanaḥ | annameva caturthaḥ pādaḥ
32.3
mana eva hiṃkāraḥ | vāk prastāvaḥ | prāṇa udgīthaḥ | annameva
caturthaḥ pādaḥ
32.4
karotyeva vācā | nayati prāṇena | gamayati manasā | tadetadniruddhaṃ yanmanaḥ | tena yatra kāmayate tadātmānaṃ ca yajamānaṃ ca
dadhāti
32.5
athādhidaivatam | candramā eva hiṃkāraḥ | agniḥ prastāvaḥ
āditya udgīthaḥ | āpa eva caturthaḥ pādaḥ | taddhi pratyakṣamannam
32.6
vā etā devatā amāvāsyāṃ rātri saṃyanti | candramā amāvāsyā rātrimāditya praviśati | ādityo'gnim
32.7
tad yat saṃyanti tasmāt sāma | sa ha vai sāmavit | sa sāma
veda | ya evaṃ veda
32.8
tāsāṃ vā etāsāṃ devatānāmekaikaiva devatā sāma bhavati
32.9
eṣa evādityaḥ trivṛt | catuṣpādamayam | maṇḍalaṃ puruṣaḥ
raśmaya eva hiṃkāraḥ | tasmātte prathamata eva udyatastāyante | maṇḍalaṃ
prastāvaḥ | puruṣa udgīthaḥ | ya etā āpo'ntaḥ sa eva caturthaḥ
pādaḥ
32.10
evameva candramaso rasamayo maṇḍalaṃ puruṣaḥ | rasamaya eva hiṃkāraḥ
maṇḍalaṃ prastāvaḥ | puruṣa udgīthaḥ | yā etā āpo'ntaḥ sa eva
caturthaḥ pādaḥ
32.11
catvāryanyāni catvaryanyāni | tānyaṣṭau | aṣṭākṣarā gāyatrī
gāyatraṃ sāma | bahva u gāyatrī | tadu bahvābhisaṃpadyate | aṣṭāśaphāḥ
paśavaḥ | teno paśavyam
32.11.p1
iti prathame'dhyāye ekādaśo'nuvāke prathamaḥ khaṇḍaḥ
Linked texts (1)
- Jaiminīyopaniṣadbrāhmaṇa — Sanskrit