Jaiminiyopanishad 36
Jaiminīyopaniṣad 36
- Language
- Sanskrit
Contents
- 36.7 — 1 part
36.1
tṛtīyaḥ khaṇḍaḥ
tasyaitāstisra āgāḥ āgneyyekā aindryekā vaiśvadevyekā
36.2
sā yā mantrā sā āgneyī| tayā prātaḥsavanasyodgeyam| āgneyaṃ vai prātaḥsavanam| āgneyo'yaṃ lokaḥ| svayāgayā prātaḥsavanasyodgāyati| ṝdhnotīmaṃ lokam
36.3
atha yā ghoṣiṇyupandimatī saindhī| tayā mādhyaṃdinasya savanasyodgeyam| aindraṃ vai mādhyaṃdinaṃ savanam| aindro'sau lokaḥ| svayāgayā mādhyaṃdinasya savanasya udgāyati| ṝdhnotyamuṃ lokam
36.4
atha yā bauḍhvayañciva prathayanniva gāyati sā vaiśvadevī| tayā tṛtīyasavanasyodgeyam| vaiśvadevaṃ vai tṛtīyasavanam| vaiśvadevo'yamantarā lokaḥ| svayāgayā tṛtīyasavanasyodgāyati| ṝdhnotīmantarā lokam
36.5
atho uccā khalvāhuḥ| ekayaivāgayodgeyam| yadevāsya madhyaṃ vaca iti| tadyathā vai vācā dhyāyacchamāna udgāyati tadevāsya madhyaṃ vacaḥ| tayā vā etayā vācā sarvā vāca upagacchati| avyāsiktāmekasyāṃ śriyamṛdhnoti| ya evaṃ veda
36.6
atha yā kauñcā sā bārhaspatyā| sa yo bṛhmavarcasakāmaḥ syāttayodgāyet| tadbṛhā vai bṛhaspatiḥ| tadvai brahmavarcasamṛdhnoti| tathā hi brahmavarcasī bhavati
36.7
atha ha caikitāneya ekasyaiva sāmna āgā gāyati gāyatrasyaiva| tadanavānaṃ geyaṃ vai gāyatraṃ tatsāmna| sāmna evāpratihārādanavānaṃ geyam| tatprāṇo vai gāyatraṃ| tadvai prāṇamṛdhnoti| tathā ha sarvamāyureti
36.7.p1
iti prathame'dhyāye dvādaśo'nuvāke tṛtīyaḥ khaṇḍaḥ
Linked texts (1)
- Jaiminīyopaniṣadbrāhmaṇa — Sanskrit