Jaiminiyopanishad 59
Jaiminīyopaniṣad 59
- Language
- Sanskrit
Contents
- 59.14 — 1 part
59.1
caturthaḥ khaṇḍaḥ
atha ha brahmadattaścaikitāneyaḥ kuruṃ jagāma abhipratāriṇaṃ kākṣasenim | sa hāsmai madhuparkaṃ yayāca
59.2
atha hāsya vai[yā]ghrapadyaḥ purohito'nte niṣasāda śaunakaḥ | taṃ
hānāntrya madhuparkaṃ papau
59.3
taṃ hovāca | kiṃ vidvānno dālbhyānāmantrya madhuparka pibasi
iti | [....] sāma vaiyāghrapadyeti | [....] hovāca [....]
59.4
taṃ ha tatraiva papraccha | yad vāyau tadvetthā3 iti | hiṃkāro vā
asya sa iti
59.5
yadagnau tadvetthā3 iti | prastāvo vā asya sa iti
59.6
yadindre tadvetthā3 iti | ādirvā asya sa iti
59.7
yat somābṛhaspatyostadvetthā3 iti | udgītho vā asya sa
iti
59.8
yadaśvinostadvetthā3 iti | pratihāro vā asya sa iti
59.9
yadviśveṣu deveṣu tadvetthā3iti | upadravo vā asya sa iti
59.10
yat prajāpatau tadvetthā3 iti | nidhanaṃ vā asya taditi | hovāca
ārṣeyaṃ vā asya tat | bandhutā vā asya seti
59.11
sa hovāca | namaste'stu bhagavo vidvānapā madhuparkamiti
59.12
atha haitaraḥ papraccha | kiṃdevatyaṃ sāma vaiyāghrapadyeti | yaddevatyāḥ
stuvata iti hovāca taddevatyamiti
59.13
tadetat sādhveva pratyuktam | vyāptirvā asyaiṣeti | hovāca brūheveti
medaṃ te namo'karmeti | hovāca maiva notiprākṣīriti
59.14
sa hovāca | aprākṣyaṃ vāva tvā devatāmaprākṣyaṃ vāva tvā devatāyai
devatāḥ | vāgdevatyaṃ sāma | vāco mano devatā | manasaḥ paśavaḥ
paśūtāmoṣadhayaḥ | oṣadhīnāmāpaḥ | tadetadbhyo jātaṃ sāma amsu
pratiṣṭhitam iti
59.14.p1
iti prathame'dhyāye aṣṭāvasaṃ'nuvāke caturthaḥ khaṇḍaḥ
Linked texts (1)
- Jaiminīyopaniṣadbrāhmaṇa — Sanskrit