Jaiminiyopanishad 63

Jaiminīyopaniṣad 63

Language: Sanskrit

63.1

dvitīyaḥ khaṇḍaḥ
sā yā sā vāgāsīt sognirabhavat

63.2

atha yattanmana āsīt sa candramā abhavat

63.4

atha yattacchotramāsīt tā imā diśo'bhavan | tā u eva viśve
devāḥ

63.5

atha yaḥ so'pāna āsīt sa bṛhaspatirabhavat | yadasyaim̐ vāco
bṛhatyai patistasmādbṛhaspatiḥ

63.6

atha yaḥ sa prāṇa āsīt sa prajāpatirabhavat | sa eṣa putrī
prajāvānudgītho yaḥ prāṇaḥ tasya svara eva prajāḥ | prajāvān bhavati ya
evaṃ veda

63.7

taṃ haitameke pratyakṣameva gāyanti | prāṇā3 prāṇā3 prāṇā3 hummā
ovā iti

63.8

taddhu hovāca śāṭyāyanistata etamarhati pratyakṣaṃ gātum | yadvāva
vācā karoti taṃdetadevāsya kṛtaṃ bhavatīti

atha vā ata ṛksāmnoreva prajāpatiḥ | sa yaddhikaroti abhyeva
tena kranvati | atha yat prastautyeva tena plavate | atha yadādimānnate
reta eva tena siñcati| atha yaddugāyati reta eva tena siktaṃ saṃbhavati
atha yat pratiharati reta eva tena saṃbhūtaṃ pravardhayati | atha yadupadravati
reta eva tena pravṛddhaṃ vikaroti | atha yannidhanamupaiti reta eva tena
vikṛtaṃ prajanayati | saiṣarksāmanoḥ prajāpatiḥ

63.10

sa ya evametāmṛksāmanoḥ prajāpatiṃ veda pra hainamṛksāmanī
janayataḥ

Linked texts (1)

Jaiminīyopaniṣadbrāhmaṇa — Sanskrit