Jaiminiyopanishad 65
Jaiminīyopaniṣad 65
- Language
- Sanskrit
Contents
- 65.7 — 1 part
65.1
dvitīyaḥ khaṇḍaḥ
sa eṣa vaśī dīptāgra udgītho yatprāṇaḥ | eṣa hīdaṃ sarvaṃ vaśe
kurute | vaśī bhavati | vaśe svān kurute | ya evaṃ veda
65.2
asya hyasāvagre dīpyate'muṣya vā ataḥ | taṃ haitamudgīthaṃ śāṭyāyanirācaṣṭe vaśī dīptāgrā iti | dīptāgrā ha vā asya kīrtirbhavati
ya evaṃ veda
65.3
ābhūtiriti kārīrādayaḥ | prāṇaṃ vā anu prajāḥ paśavaṃ ābhavanti
sa ya evametam ābhūtirityupāste eva prāṇena prajayā paśubhirbhavati
65.4
saṃbhūtiriti sātyayajñayaḥ | prāṇaṃ vā anu prajāḥ paśavaḥ saṃbhavanti
sa ya evametaṃ saṃbhūtirityupāste | same[va] prāṇena prajayā paśubhirbhavati
65.5
prabhūtiriti caulināḥ | prāṇaṃ vā anu prajāḥ paśavaḥ prabhavanti
sa ya evametaṃ prabhūtirityupāste | praiva prāṇena prajayā paśubhirbhavati
65.6
bhūtiriti bhāllabinaḥ | prāṇaṃ vā anu prajāḥ paśavo bhavanti
sa ya evametaṃ bhūtirityupāste | bhavatyeva prāṇena prajayā paśubhiḥ
65.7
5 avaroddhā anavaruddha iti vārṣṇaścailanāḥ | eṣa hyanyamavaruṇaddhi
naitamanyaḥ | eṣa hyevāsya dviṣantaṃ bhrātṛvyamavaruṇaddhi | ya evaṃ veda
65.7.p1
iti dvitīye'dhyāye dvitīye'nuvāke dvitīyaḥ khaṇḍaḥ
Linked texts (1)
- Jaiminīyopaniṣadbrāhmaṇa — Sanskrit