Jaiminiyopanishad 71
Jaiminīyopaniṣad 71
- Language
- Sanskrit
Contents
- 71.22 — 1 part
71.1
tṛtīyo'nuvākaḥ samāptaḥ
caturtho'nuvākaḥ
prathamaḥ khaṇḍaḥ
devāsurāḥ samayatantyetyāhuḥ | na ha vai tad devāsurāḥ saṃyetire
prajāpatiśca ha vai tanmṛtyuśca saṃyetāte
71.2
tasya ha prajāpaterdevāḥ priyā putrāḥ anta āsuḥ | te'bhriyanta
tenodgātrā dīkṣāmahai yenāpahatya mṛtyumapahatya pāpmānaṃ svargaṃ lokamiyāmeti
71.3
te'bruvan vācodgātrā dīkṣāmahā iti
71.4
te vācodgātrādīkṣanta | tebhya idaṃ vāgāgāyat | yadidaṃ vācā
vadati | yadidaṃ vācā bhuñjate
71.5
tāṃ pāpmānvasṛjyata | sa yadeva vācā pāpaṃ vadati sa eva sa
pāpmā
71.6
te abruvan | na vai no'yaṃ mṛtyuṃ na pāpmānamatyanākṣīt | manasodgātrā dīkṣāmahā iti
71.7
te manasodgātrādīkṣanta | tebhya idaṃ mana āgāyat | yadidaṃ
manasā dhyāyati | yadidaṃ manasā bhuñjate
71.8
tat pāpmānvasṛjyata | sa yadeva manasā pāpaṃ dhyāyati sa eva sa
pāpmā
71.9
te'bruvan | no nvāva no'yaṃ mṛtyuṃ na pāpmānamatyavākṣīt
cakṣuṣodgātrā dīkṣāmahā iti
71.10
te cakṣuṣodgātrādīkṣanta | tebhya idaṃ cakṣurāgāyat | yadidaṃ
cakṣuṣā paśyati | yadidaṃ cakṣuṣā bhuñjate
71.11
13. MyL. amṛtyuṃ for mṛtyuṃ.
17. My. om. वद्.
tat pāpmānvasṛjyata | sa yadeva cakṣuṣā pāpaṃ paśyati sa eva sa
pāpmā
71.12
te'bruvan | no nvāva no'yaṃ mṛtyuṃ na pāpmānamatyavākṣīt
śrotreṇodgātrā dīkṣāmahā iti
71.13
te śrotreṇodgātrādīkṣanta | tebhya idaṃ śrotramāgāyat | yadidaṃ
śrotreṇa śṛṇoti | yadidaṃ śrotreṇa bhuṅkte
71.14
tat pāpmānvasṛjyata | sa yadeva śrotreṇa pāpaṃ śṛṇoti sa eva sa
pāpmā
71.15
te'bruvan | no nvāva no'yaṃ mṛtyuṃ na pāpmānamatyavākṣīt
prāṇenodgātrā dīkṣāmahā iti
71.16
te prāṇenodgātrādīkṣanta | tebhya idaṃ prāṇa āgāyat | yadidaṃ
prāṇena prāṇiti | yadidaṃ prāṇena bhuṅkte
71.17
taṃ pāpmānvasṛjyata | sa yadeva prāṇena [pāpaṃ] prāṇiti sa eva
sa pāpmā
71.18
te'bruvan | no nvāva no'yaṃ mṛtyuṃ na pāpmānamatyavākṣīt
anena mukhyena prāṇenodgātrā dīkṣāmahā iti
71.19
te'nena mukhyena prāṇena udgātrādīkṣanta
71.20
so'bravīnmṛtyureṣa eṣāṃ sa udgātā yena mṛtyumatyeṣyantīti
71.21
na hyetena prāṇena pāpaṃ vadati | na pāpaṃ dhyāyati | na pāpaṃ
paśyati | na pāpaṃ śṛṇoti | na pāpaṃ gandhamapāniti
71.22
tenāpahṛtya mṛtyumapahṛtya pāpmānaṃ svargaṃ lokamāyan | apahatya
haiva mṛtyumapahṛtya pāpmānaṃ svargaṃ lokameti | ya evaṃ veda
71.22.p1
iti dvitīye'dhyāye caturthe'nuvāke prathamaḥ khaṇḍaḥ
Linked texts (1)
- Jaiminīyopaniṣadbrāhmaṇa — Sanskrit