Jaiminiyopanishad 78
Jaiminīyopaniṣad 78
- Language
- Sanskrit
Contents
- 78.21 — 1 part
78.1
ekā ha vāva kutsnā devatā | ardhadevatā evānyaśca | ayameva
5 yo'yaṃ pavate
78.2
eṣa eva sarveṣāṃ devānāṃ grahāḥ
78.3
sa haivo'staṃ nāma | astamiti haiha paścād grahānācakṣate
78.4
sa yadādityo'stamagād iti grahānagād iti haitat tena so'sarvaḥ
sa etamevāpyeti
78.5
10 astaṃ candramā eti | tena so'sarvaḥ | sa etamevāpyeti
78.6
astaṃ nakṣatrāṇi yanti | tena tānyasarvāṇi | tānyetamevāpiyanti
78.7
anvagnirgacchati | tena so'sarvaḥ | sa etamevāpyeti
78.8
etyahaḥ | eti rātriḥ | tena te asarve | te etamevāpītaḥ
78.9
15 muhyanti diśaḥ | na vai tā rātriṃ prajñāyante | tena tā asarvāḥ
tā etamevāpiyanti
78.10
varṣati ca parjanyaḥ | ucca gṛhṇāti | tena so'sarvaḥ | sa etamevāpyeti
78.11
kṣīyanta āpaḥ | evamoṣadhayaḥ | evaṃ vanaspatayaḥ | tena tānyasarvāṇi
20 tānyetamevāpiyanti
78.12
tadyadetat sarvaṃ vāyumevāpyeti | tasmādvāyureva sāma
78.13
sa ha vai sāmavit | sa [kṛtsnaṃ] sāma veda | ya evaṃ veda
78.14
athādhyātmam | na vai svapan vācā vadati | seyameva prāṇamapyeti
78.15
na manasā dhyāyati | tadidameva prāṇamapyeti
78.16
na cakṣuṣā paśyati | tadidameva prāṇamapyeti
78.17
na śrotreṇa śṛṇoti | tadidameva prāṇamapyeti
78.18
tadyadetatsarvaṃ prāṇamevābhisameti tasmāt prāṇa eva sāma
78.19
sa ha vai sāmavit sa kṛtsnaṃ sāma veda | ya evaṃ veda
78.20
tadyadidamāhurna batādya vātīti haitatpuruṣe'ntarnirmite sa pūrṇaḥ
svedamāna āste
78.21
taddha śaunakaṃ ca kāpeyamabhipratāriṇaṃ ca [kākṣaseniṃ] brāhmaṇaḥ
pariveviṣyamāṇāvupavivrāja
78.21.p1
iti tṛtīye'dhyāye prathame'nuvāke prathamaḥ khaṇḍaḥ
Linked texts (1)
- Jaiminīyopaniṣadbrāhmaṇa — Sanskrit