Jaiminiyopanishad 83

Jaiminīyopaniṣad 83

19 || prathamo'nuvākaḥ samāptaḥ
prathamaḥ khaṇḍaḥ
yo'sau sāmnaḥ pravṛttiṃ veda pra hāsmai dīyate

dadā iti ha vā ayamagnirdīpyate| tatheti vāyuḥ pavate| hanteti
candramāḥ| omityādityaḥ

eṣā ha vai sāmnaḥ pravṛttiḥ | etāṃ ha vai sāmnaḥ pravṛttiṃ sudakṣiṇaḥ
kṣaimiravidāṃcakāra

tāṃ haitāṃ hoturvājye gāyet | maitrāvaruṇasya vā tāṃ dadā3 tathā3
hantā3 himbhā ovā iti | pra ha vā asmai dīyate

[saḥ] adhyanyān bahūnuparyupari ya evametāṃ sāmnaḥ pravṛttiṃ veda

ya u ha vā abandhurbandhumatsāṃ veda yatra hāpyenaṃ na vidyuryatra
rodhanti yatra parīva cakṣate tadvāpi śreṣṭhyamādhipatyamannādyaṃ purodhāṃ
paryeti

agnirhaiṃ vā abandhurbandhumatsāma| kasmādvā honaṃ dārvoḥ kasmādvā
paryāvṛtya manyanti | sa śreṣṭhyāya ādhipatyāya annādyāya purodhāyai
jāyate

sa yatra ha vā apyevaṃvidaṃ na viduḥ yatra rodhanti yatra parīvacakṣate
tadvāpi śreṣṭhyamādhipatyamannādyaṃ purodhāṃ paryeti

iti tṛtīyo'dhyāye dvitīyo'nuvāke prathamaḥ khaṇḍaḥ

Linked texts (1)