[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Kaishitaki ?](https://indike.org/pramana/in.veda.upanisad.mukhya.kaisitaki) › 1 # Kaishitaki ? 1 Kaiṣītaki ? 1 - **Language:** Sanskrit ### [1.1](https://indike.org/pramana/in.veda.upanisad.mukhya.kaisitaki.1.1) candre vidyuti meghe khe vāyāvagnau jale'pi ca ādarśe śravaṇe gantṛśabde chāyārutāvapi dehe khapne dakṣiṇe'kṣiṇyapi vāme'bravīt kramāt sarvatra rājā pratyukto viprastūṣṇīmavasthitaḥ oṃ citro ha vai gārgyāyaniryakṣyamāṇa āruṇiṃ vavre sa ha putraṃ śvetaketuṃ prajighāya yājayeti taṃ hābhyāgataṃ papraccha gautamasya putro'si saṃvṛtaṃ loke yasmin mā dhāsyasyanyatamo vādhvā tasya mā loke dhāsyasīti sa hovāca nāhametadveda hantācāryaṃ pṛcchānīti sa ha pitaramāsādya papracchetīti māprākṣīt kathaṃ pratibravāṇīti sa hovācāhamapyetanna veda sadasyeva vayaṃ svādhyāyamadhītya harāmahe yannaḥ pare dadatyehyubhau gamiṣyāva iti sa ha samitpāṇiścitraṃ gārṅgyāyaniṃ praticakrama upāyānīti taṃ hovāca brahmārṣyāhyasi gautama yo na mānamupāgā ehi vyeva tvā jñapayiṣyāmīti ### [1.2](https://indike.org/pramana/in.veda.upanisad.mukhya.kaisitaki.1.2) sa hovāca ye vai kecāsmāllokāt prayanti candramasameva te sarve gacchanti teṣāṃ prāṇaiḥ pūrvapakṣa āpyāyate tānaparapakṣeṇa prajanayatyetadvai svargasya lokasya dvāraṃ yaccaṃdramāstaṃ yaḥ pratyāha tamatisṛjate'tha yo na pratyāha tamiha vṛṣṭirbhūtvā varṣati sa iha kīṭo vā pataṅgo vā matsyo vā śakunivā siṃho vā varāho vā paraśtvān vā śārdūlo vā puruṣo vāndho vā teṣu teṣu sthāneṣu pratyājāyate yathākarma yathāvidyaṃ tamāgataṃ pṛcchati ko'sīti taṃ pratibrūyādvicakṣaṇādṛtavo reta ābhṛtaṃ pañcadaśāt prasūtāt pitryāvatastanmā puṃsi karttarairayadhvaṃ puṃsā kartrā mātari mā niṣiñca sa jāya upajāyamāno dvādaśatrayodaśopamāso dvādaśatrayodaśena pitrā''saṃ tadvide'haṃ pratitadvide'haṃ tanma ṛtavo'mṛtyuva ābharadhvaṃ tena satyena tena tapasā ṛturasmyārtavo'smi ko'si tvamasmīti tamatisṛjate ### [1.3](https://indike.org/pramana/in.veda.upanisad.mukhya.kaisitaki.1.3) sa evaṃ devayānaṃ panthānamāpadyāgnilokamāgacchati sa vāyulokam̐ sa varuṇalokaṃ sa indralokaṃ sa prajāpatilokaṃ sa brahmalokaṃ tasya ha vā etasya lokasyāro hrado muhūrttā yeṣṭihā vijarā nadīlyo vṛkṣaḥ sālajyaṃ saṃsthānamaparājitamāyatanamindraprajāpatī dvāragopau vibhupramitaṃ vicakṣaṇāsandāmitaujāḥ paryaṅkaḥ priyā ca mānasī pratirūpā ca cākṣuṣī puṣpāṇyādāyāvayato vai ca jagānyambāścāmbāyavīścāpsaraso'mbayā nadyastamitthaṃvidāgacchati taṃ brahmāhābhidhāvata mama yaśasā vijarāṃ vā ayaṃ nadīṃ prāpanna vā ayaṃ jarayiṣyatīti ### [1.4](https://indike.org/pramana/in.veda.upanisad.mukhya.kaisitaki.1.4) taṃ pañcaśatānyapsarasāṃ pratiyanti śataṃ phalahastāḥ śatamāñjanahastāḥ śataṃ mālyahastāḥ śataṃ vāsohastāḥ śataṃ cūrṇahastāstaṃ brahmālaṅkāreṇālaṅkurvanti sa brahmālaṅkāreṇālaṅkṛto brahmavidvān brahmābhipreti sa āgacchatyāraṃ hradaṃ taṃ manasātyeti tamitvā samprativido majjanti sa āgacchati muhūrttān yeṣṭihāṃste'smādapadravanti sa āgacchati vijarāṃ nadīṃ tāṃ manasaivātyeti tatsukṛtaduṣkṛte dhunute vā tasya priyā jñātayaḥ sukṛtamupayantyapriyā duṣkṛtaṃ tadyathā rathena dhāvayan rathacakre paryavekṣetaivamahorātre paryavekṣetaivaṃ sukṛtaduṣkṛte sarvāṇi ca dvandvāni sa eṣa visukṛto viduṣkṛto brahmavidvān brahmaivābhipraiti ### [1.5](https://indike.org/pramana/in.veda.upanisad.mukhya.kaisitaki.1.5) sa āgacchatīlyaṃ vṛkṣaṃ taṃ brahmagandhaḥ praviśati sa āgacchati sālajyaṃ saṃsthānaṃ taṃ brahmarasaḥ praviśati sa āgacchatyaparājitamāyatanaṃ taṃ brahmatejaḥ praviśati sa āgacchatīndraprajāpatī dvāragopā tāvasmādapadravataḥ sa āgacchati vibhupramitaṃ taṃ brahmayaśaḥ praviśati sa āgacchati vicakṣaṇāmāsandīṃ bṛhadrathantare sāmanī pūrvau pādau śyaitanaudhase cāparau pādau vairūpavairāje anūcye śākvararaivate tiraścī sā prajñā prajñayā hi vipaśyati sa āgacchatyamitaujasaṃ paryyaṅkaṃ sa prāṇastasya bhūtañca bhaviṣyacca pūrvvau pādau śrīścerā cāparau bhadrayajñāyajñīye śīrṣakhye bṛhadrathantare anūcye ṛcaśca sāmāni ca prācīnātānaṃ yajūṃṣi tiraścīnāni somāṃśava upastaraṇamudgītho'paraśca yaḥ śrīrupabarhaṇaṃ† tasmin brahmāste tamitthaṃvidādenaivāgra ārohati taṃ brahmā pṛcchati‡ ko'sīti taṃ pratibrūyāt ### [1.6](https://indike.org/pramana/in.veda.upanisad.mukhya.kaisitaki.1.6) ṛturasmyārtavo'smyākāśād yoneḥ sambhūto bhāryāyai retaḥ saṃvatsarasya tejo bhūtasya bhūtasyātmā bhūtasya bhūtasya tvamātmāsi yastvamasi so'hamasmi tamāha ko'hamasmīti satyamiti brūyāt kiṃ tadyatsatyamiti yadanyaddevebhyaśca prāṇebhyaśca tatsadya yaddevāśca prāṇāśca tattayaṃ tadetayā vācābhivyāhriyate satyamityetāvadidaṃ sarvvamidaṃ sarvvamasītyevainaṃ tadāha tadetacchlokenābhyuktam ### [1.7](https://indike.org/pramana/in.veda.upanisad.mukhya.kaisitaki.1.7) yajūradaraḥ sāmaśirā asāvṛṅmūrtiravyayaḥ sa brahmeti vijñeya ṛṣirbrahmamayo mahāniti tamāha kena me pauṃsyāni nāmānyāpnoṣīti prāṇeneti brūyāt kena napuṃsakānīti manaseti kena strīnāmānīti vāceti kena gandhāniti prāṇeneti kena rūpāṇīti cakṣugheti kena śabdāniti śrotreṇeti kenānnarasāniti jihvayeti kena karmāṇīti hastābhyāmiti kena sukhaduḥkhe iti śarīreṇeti kenānandaṃ ratiṃ prajātimityupastheneti kenetyā iti pādābhyāmiti kena dhiyo vijñātavyaṃ kāmāniti prajñayaiveti brūyāttamāha āpo vai khalu me loko'yaṃ te'sāviti sā yā brahmaṇo jitiryā vyaṣṭistāṃ jitiṃ jayati tāṃ vyaṣṭiṃ vyaśnute ya evaṃ veda ya evaṃ veda ## Linked texts (9) - [Śāṅkhāyanāraṇyaka](https://indike.org/pramana/in.veda.aranyaka.kausitaki.3.1) — Sanskrit - [Kauṣītakibrāhmaṇopaniṣad](https://indike.org/pramana/in.veda.upanisad.mukhya.kausitaki.1.1.10) — Sanskrit - [Īśādiviṃśottaraśatopaniṣadaḥ](https://indike.org/pramana/in.veda.upanisad.isadivimsottarasatopanisadah.3.39_145) — Sanskrit - [Śāṅkhāyanīyopaniṣad](https://indike.org/pramana/in.veda.upanisad.mukhya.sankhayaniyopanisad.4.1) — Sanskrit - [Upaniṣads](https://indike.org/pramana/in.veda.upanisad.mukhya.upanisads.273.1) — Sanskrit - [Kauṣītakopaniṣad](https://indike.org/pramana/in.veda.upanisad.mukhya.kausitakopanisad.1.2) — Sanskrit - [Upaniṣatsaṃgraha](https://indike.org/pramana/in.veda.upanisad.upanisatsamgraha.8.1-3) — Sanskrit - [Aṣṭottaraśatopaniṣadaḥ](https://indike.org/pramana/in.veda.upanisad.samanya.astottarasatopanisadah.283.2) — Sanskrit - [Aṣṭottaraśatopaniṣad](https://indike.org/pramana/in.veda.upanisad.astottarasatopanisad.36.1) — Sanskrit --- Source: [https://indike.org/pramana/in.veda.upanisad.mukhya.kaisitaki.1](https://indike.org/pramana/in.veda.upanisad.mukhya.kaisitaki.1) · Pramāṇa