[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Kaishitaki ?](https://indike.org/pramana/in.veda.upanisad.mukhya.kaisitaki) › 2.15 # Kaishitaki ? 2.15 Kaiṣītaki ? 2.15 - **Language:** Sanskrit ### [2.15](https://indike.org/pramana/in.veda.upanisad.mukhya.kaisitaki.2.15) athātaḥ pitāputrīyaṃ sampradānamiti cācakṣate pitā putraṃ preṣyannāhvayati navaistṛṇairagāraṃ saṃstīryāgnimupasamādhāyodakumbhaṃ sapātramupanidhāyāhatena vāsasā sampracchannaḥ † pitā śeta etya putra upariṣṭādabhinipadyata indriyairindriyāṇi saṃspṛśyāpi ‡vāsmā āsīnāyābhimukhāyaiva sampradyādathāsmai samprayacchati vācaṃ me tvayi dadhānīti pitā vācaṃ te mayi dadha iti putraḥ prāṇaṃ me tvayi dadhānīti pitā prāṇaṃ te mayi dadha iti putraścakṣurme tvayi dadhānīti pitā cakṣuste mayi dadha iti putraḥ śrotraṃ me tvayi dadhānīti pitā śrotraṃ te mayi dadha iti putro'nnarasānme tvayi dadhānīti pitānnarasāṃste mayi dadha iti putraḥ karmāṇi me tvayi dadhānīti pitā karmāṇi te mayi dadha iti putraḥ sukhaduḥkhe me tvayi dadhānīti pitā sukhaduḥkhe te mayi dadha iti putraḥ ānandaṃ ratiṃ prajātiṃ me tvayi dadhānīti pitānandaṃ ratiṃ prajātiṃ te mayi dadha iti putra ityāṃ me tvayi dadhānīti pitetyāṃ te mayi dadha iti putro mano me tvayi dadhānīti pitā manaste mayi dadha iti putraḥ prajñāṃ me tvayi dadhānīti pitā prajñāṃ te mayi dhatsva iti putro yadyu vā upābhigadaḥ syāt samāsenaiva brūyātprāṇānme tvayi dadhānīti pitā prāṇāṃste mayi dadha iti putro'tha dakṣiṇāvṛdupaniṣkrāmati ॰taṃ pitānumantrayate yaśo brahmavarcasaṃ kīrttistvā juṣatāmityathetaraḥ savyamansamabhyavekṣate pāṇināntarddhāya vasanāntena vā praṃcchādya svargān lokān kāmānāpnuhīti sa yadyagadaḥ syātputrasyaiśvarye pitā vaset pari vā brajedyadyu vai preyāttathaina samāpayeyuryathā samāpayitavyo bhavati yathā samāpayitavyo bhavati - [Previous: 2.14](https://indike.org/pramana/in.veda.upanisad.mukhya.kaisitaki.2.14) - [Next: 3.1](https://indike.org/pramana/in.veda.upanisad.mukhya.kaisitaki.3.1) - [Up: 2](https://indike.org/pramana/in.veda.upanisad.mukhya.kaisitaki.2) ## Linked texts (9) - [Īśādiviṃśottaraśatopaniṣadaḥ](https://indike.org/pramana/in.veda.upanisad.isadivimsottarasatopanisadah.3.39_163) — Sanskrit - [Kauṣītakibrāhmaṇopaniṣad](https://indike.org/pramana/in.veda.upanisad.mukhya.kausitaki.2.14.25) — Sanskrit - [Śāṅkhāyanāraṇyaka](https://indike.org/pramana/in.veda.aranyaka.kausitaki.4.15) — Sanskrit - [Aṣṭottaraśatopaniṣadaḥ](https://indike.org/pramana/in.veda.upanisad.samanya.astottarasatopanisadah.284.15) — Sanskrit - [Aṣṭottaraśatopaniṣad](https://indike.org/pramana/in.veda.upanisad.astottarasatopanisad.37.10) — Sanskrit - [Upaniṣads](https://indike.org/pramana/in.veda.upanisad.mukhya.upanisads.274.15) — Sanskrit - [Upaniṣatsaṃgraha](https://indike.org/pramana/in.veda.upanisad.upanisatsamgraha.10.10) — Sanskrit - [Kauṣītakopaniṣad](https://indike.org/pramana/in.veda.upanisad.mukhya.kausitakopanisad.2.15) — Sanskrit - [Śāṅkhāyanīyopaniṣad](https://indike.org/pramana/in.veda.upanisad.mukhya.sankhayaniyopanisad.5.15) — Sanskrit --- Source: [https://indike.org/pramana/in.veda.upanisad.mukhya.kaisitaki.2.15](https://indike.org/pramana/in.veda.upanisad.mukhya.kaisitaki.2.15) · Pramāṇa