[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Kaṭhopaniṣad](https://indike.org/pramana/in.veda.upanisad.mukhya.katha) › [Kathaprakashika (Rangaramanuja)](https://indike.org/pramana/in.veda.upanisad.mukhya.katha!rangaramanuja) › 2.2 # Kaṭha Upaniṣad 2.2 Kaṭhaprakāśikā (Raṅgarāmānuja) 2.2 - **Language:** Sanskrit ### [2.2](https://indike.org/pramana/in.veda.upanisad.mukhya.katha!rangaramanuja.2.2) dvitīyo mantraḥ \[ mandajñānibhyāṃ phalatayā prāpyau bhogamokṣau \] śreyaśca preyaśca manuṣyametastau samparītya vivinakti dhīraḥ | śreyo hi dhīro'bhi preyaso vṛṇīte preyo mando yogakṣemādvṛṇīte || ### [2.2.p1](https://indike.org/pramana/in.veda.upanisad.mukhya.katha!rangaramanuja.2.2.p1) pra.dī. - śreyaśca preyaśca iti | śreyaśca - mokṣaśca, preyaśca - bhogaśca, manuṣyametaḥ - prāpnutaḥ, dhīraḥ - dhiyā ramate iti dhīraḥ tattvajijñāsuḥ, tau śreyaḥ preyasā, samparītya padārthavicāraṇaṃ kṛtvā, vivinakti - pṛthakkaroti, dhīraḥ - jñānī, preyasā'pekṣayā - bhogāpekṣayā, abhi - ābhimukhyena, śreyaḥ - mokṣamārgameva, vṛṇīte | ha iti prasiddhau | mandaḥ - ajñaḥ, yogakṣemāddhetoḥ preyaḥ bhogarūpameva vṛṇute hi | ### [2.2.p2](https://indike.org/pramana/in.veda.upanisad.mukhya.katha!rangaramanuja.2.2.p2) pra. - śreyaśca preyaśceti | śreyaśca preyaśca manuṣyaṃ prāpnuvataḥ1 | tau - śreyaḥ preyaḥ padārthau samyagālocya, nīrakṣīre haṃsa iva pṛthakkaroti | dhiyā ramate iti dhīraḥ - prajñāśālī, preyopekṣayā abhi - abhyarhitaṃ śreya eva vṛṇīte | mandamatiḥ yogakṣemāddhetoḥ preyo vṛṇīte | śarīrasyopacayo yogaḥ; kṣemaḥ paripālanam | ### [2.2.p3](https://indike.org/pramana/in.veda.upanisad.mukhya.katha!rangaramanuja.2.2.p3) ā.bhā. - mārgadvayasyāpi puruṣasādhyatvāt, śreya eva sarvo vṛṇuyāt na preyaḥ| tatkathaṃ ? lokasya ādhikyena preyasi pravṛttiḥ ityāśaṃkāyāmāha - śreyaśca iti| śreyaśca preyaśca - etadvayamapi, manuṣyam - anuṣṭhānopayuktaśarīrendriyādimantaṃ manujam, etaḥ - āsamantāt ābhimukhyena vā itaḥ, prāpnutaḥ, tatsādhyayoḥ niḥśreyasā'bhyudayayoḥ dvayorapi puruṣārthatvāt | atra cakāradvayaṃ samuccayārthatvāt dvayorapi nīrakṣīravat sammiśratvaṃ dyotayitum | dhīraḥ - haṃsavat vivecanaśīlabuddhiḥ janaḥ | tau - śreyaḥ preyaḥ - śabdārthau, samparītya - samyak vijñāya, vivinakti - ## Linked texts (1) - [Kaṭhopaniṣad](https://indike.org/pramana/in.veda.upanisad.mukhya.katha.2.2) — Sanskrit --- Source: [https://indike.org/pramana/in.veda.upanisad.mukhya.katha!rangaramanuja.2.2](https://indike.org/pramana/in.veda.upanisad.mukhya.katha!rangaramanuja.2.2) · Pramāṇa