<!-- Pramāṇa, a library of Indian primary sources · https://indike.org/pramana/in.veda.upanisad.mukhya.katha!rangaramanuja.2.3 -->

[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Kaṭhopaniṣad](https://indike.org/pramana/in.veda.upanisad.mukhya.katha) › [Kathaprakashika (Rangaramanuja)](https://indike.org/pramana/in.veda.upanisad.mukhya.katha!rangaramanuja) › 2.3

# Kaṭha Upaniṣad 2.3

Kaṭhaprakāśikā (Raṅgarāmānuja) 2.3

- **Language:** Sanskrit

### [2.3](https://indike.org/pramana/in.veda.upanisad.mukhya.katha!rangaramanuja.2.3)

tṛtīyamantraḥ  
\[ viṣayaparāṅmukhatayā naciketasaḥ sarvotkṛṣṭatvam \]  
sa tvaṃ priyān priyarūpām̐śca kāmān | abhidhyāyan naciketo'tyasrākṣīḥ|  
naitām̐ sṛṃkāṃ vittamayīmavāpto yasyāṃ majjanti bahavo manuṣyāḥ ||

### [2.3.p1](https://indike.org/pramana/in.veda.upanisad.mukhya.katha!rangaramanuja.2.3.p1)

pra.dī. - sa tvaṃ priyān iti | he naciketaḥ sa tvam - tādṛśaḥ tvam,

### [2.3.p2](https://indike.org/pramana/in.veda.upanisad.mukhya.katha!rangaramanuja.2.3.p2)

priyān - svataḥ priyān dhanādīn, priyarūpān - rūpataśca priyān apsaraḥprabhṛtīn, abhidhyāyan - prākṛtasampadguṇadoṣaṃ vicāraṃ kurvan, atyasrākṣīḥ etān sarvānkāmān tyaktavānasi | etām - pūrvoktāṃ vittamayīm - viśeṣadhanarūpāṃ sṛṃkām1 - ratnamālām, na avāptaḥ - na prāptavānasi, yasyām - ratnamālikāyāṃ bahavo manuṣyā majjanti - magnā bhavanti iti yāvat |

### [2.3.p3](https://indike.org/pramana/in.veda.upanisad.mukhya.katha!rangaramanuja.2.3.p3)

pra. - satvaṃ priyāniti | tādṛśaḥ tvaṃ svatorūpataśca priyān - kāmyamānān stryādīnityarthaḥ | duḥkhodarkatva-duḥkhamiśratvādidoṣayuktatayā nirūpayan tyaktavānasi ityarthaḥ | naitām sṛṃkām iti | vittamayīm - dhanaprāyām, sṛṃkām kutsitagatiṃ mūḍhajanasevitāṃ etāṃ na avāptavānasi | yasyām iti | spaṣṭo'rthaḥ |

### [2.3.p4](https://indike.org/pramana/in.veda.upanisad.mukhya.katha!rangaramanuja.2.3.p4)

ā.bhā. - he naciketaḥ ! sa tvam - yaḥ pūrvaṃ mayā bahuśaḥ bhogyajātavaradānavyājena pralobhito'pi apracalita evābhūḥ tādṛśaḥ tvam, priyān svabhāvataḥ priyān putrādīn | priyaṃ rūpaṃ yeṣāṃ apsaraḥ prabhṛtīnām

## Linked texts (1)

- [Kaṭhopaniṣad](https://indike.org/pramana/in.veda.upanisad.mukhya.katha.2.3) — Sanskrit

---
Source: [https://indike.org/pramana/in.veda.upanisad.mukhya.katha!rangaramanuja.2.3](https://indike.org/pramana/in.veda.upanisad.mukhya.katha!rangaramanuja.2.3) · Pramāṇa