[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Kaṭhopaniṣad](https://indike.org/pramana/in.veda.upanisad.mukhya.katha) › [Kathaprakashika (Rangaramanuja)](https://indike.org/pramana/in.veda.upanisad.mukhya.katha!rangaramanuja) › 2.7 # Kaṭha Upaniṣad 2.7 Kaṭhaprakāśikā (Raṅgarāmānuja) 2.7 - **Language:** Sanskrit ### [2.7](https://indike.org/pramana/in.veda.upanisad.mukhya.katha!rangaramanuja.2.7) saptamamantraḥ \[ samyak vaktā śrotā durlabhaḥ \] śravaṇāyāpi bahubhiryo na labhyaḥ śṛṇvanto'pi bahavo yaṃ na vidyuḥ | āścaryo vaktā kuśalo'sya labdhā āścaryo jñātā kuśalānuśiṣṭaḥ || ### [2.7.p1](https://indike.org/pramana/in.veda.upanisad.mukhya.katha!rangaramanuja.2.7.p1) pra.dī. - śravaṇāya iti | yaḥ - antaryāmibrāhmaṇādiṣu prasiddhaḥ paramātmā, naḥ bahubhiḥ - janaiḥ, śravaṇāyāpi - śrotumapi, na labhyaḥ bahavaḥ- janāḥ, yam - paramātmānaṃ, śṛṇvanto'pi na vidyuḥ - na vijānanti, kiñca asya paramātmanaḥ, kuśalaḥ - nipuṇaḥ, vaktā, āścaryaḥ durlabhaḥ ityarthaḥ | āścaryavatpaśyati kaścidenam (bha.gī.2-29) ityādi gītāvākyamanusandheyam | ### [2.7.p2](https://indike.org/pramana/in.veda.upanisad.mukhya.katha!rangaramanuja.2.7.p2) pra. - śravaṇāyāpi - iti | yaḥ prasiddhaḥ paramātmā saḥ anekaiḥ ### [2.7.p3](https://indike.org/pramana/in.veda.upanisad.mukhya.katha!rangaramanuja.2.7.p3) puruṣaiḥ, śrotumapi na labhyaḥ ityarthaḥ | śravaṇalābho'pi mahāsukṛtaphalamiti bhāvaḥ | śṛṇvanto'pi iti | na hi śrotṛṇāṃ sarveṣām, paramātmapratipattiḥ sulabheti bhāvaḥ | āścaryo vaktā iti | asya kuśalo vaktā, kuśalaḥ prāptā ca, durlabhaḥ ityarthaḥ | āścaryo jñātā iti | kuśalena anuśiṣṭā jñātā'pi āścaryaḥ | ### [2.7.p4](https://indike.org/pramana/in.veda.upanisad.mukhya.katha!rangaramanuja.2.7.p4) manuṣyāṇāṃ sahasreṣu kaścit yatati siddhaye | ### [2.7.p5](https://indike.org/pramana/in.veda.upanisad.mukhya.katha!rangaramanuja.2.7.p5) yatatāmapi siddhānāṃ kaścinmāṃ vetti tattvataḥ || (bha.gī.7-3) ityukteḥ iti bhāvaḥ | ### [2.7.p6](https://indike.org/pramana/in.veda.upanisad.mukhya.katha!rangaramanuja.2.7.p6) ā.bhā. - anekajanmasamupārjitasukṛtaparamparayā tvādṛśaḥ śreyorthī, virala eva bhavati iti naciketasaṃ praśaṃsitum āha - śravaṇāyāpi - śāstratātparyavidyayā niścetumapi, yaḥ - paramātmā, bahubhiḥ - śrotṛbhiḥ na labhyaḥ, prāpyo'sti, bahavaḥ janāḥ, śrutijanyaparamātmatattvaviniścayāya na pravartante, kintu prāktanapuṇyaparipākavantaḥ1 alpīyāṃsa eva atra pravartante iti bhāvaḥ | śṛṇvanto'pi ye paramātmatattvam, pravartante viniścetuṃ, teṣvapi bahavaḥ janāḥ, yam - paramātmānaṃ, na vidyuḥ na jānanti, kintu śravaṇapareṣvapi kaścideva jñātuṃ prabhavati | asya - evambhūtasya asulabhajñānasya paramātmanaḥ, kuśalaḥ - nipuṇaḥ, vaktā - upadeṣṭā, āścaryaḥ- adbhuta eva | śiṣyapratipattikārinaipuṇyena samupadeṣṭā'pi paramātmatattvasya, mahān durlabha iti bhāvaḥ | evam - kuśalānuśiṣṭaḥ - ## Linked texts (1) - [Kaṭhopaniṣad](https://indike.org/pramana/in.veda.upanisad.mukhya.katha.2.7) — Sanskrit --- Source: [https://indike.org/pramana/in.veda.upanisad.mukhya.katha!rangaramanuja.2.7](https://indike.org/pramana/in.veda.upanisad.mukhya.katha!rangaramanuja.2.7) · Pramāṇa