[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Kaṭhopaniṣad](https://indike.org/pramana/in.veda.upanisad.mukhya.katha) › [Kathaprakashika (Rangaramanuja)](https://indike.org/pramana/in.veda.upanisad.mukhya.katha!rangaramanuja) › 2.8 # Kaṭha Upaniṣad 2.8 Kaṭhaprakāśikā (Raṅgarāmānuja) 2.8 - **Language:** Sanskrit ### [2.8](https://indike.org/pramana/in.veda.upanisad.mukhya.katha!rangaramanuja.2.8) aṣṭamamantraḥ \[ atisūkṣmatayā prākṛtajanājñeyaḥ \] na nareṇāvareṇa prokta eṣa suvijñeyo bahudhā cintyamānaḥ | ananyaprokte gatiratra nāsti aṇīyān hyatarkyamaṇupramāṇāt || ### [2.8.p1](https://indike.org/pramana/in.veda.upanisad.mukhya.katha!rangaramanuja.2.8.p1) pra.dī. - na nareṇa iti | avareṇa - aśreṣṭhena, nareṇa - prākṛtena janena, ### [2.8.p2](https://indike.org/pramana/in.veda.upanisad.mukhya.katha!rangaramanuja.2.8.p2) proktaḥ, eṣaḥ paramātmā, bahudhā - bahuprakāreṇa cintyamāno'pi vicāryamāṇo'pi, suvijñeyo na bhavati | ananyaprokte gatiratra nāsti | ananyena - bhagavataḥ ananyena, paramaikāntinā1, prokte - upadiṣṭe sati, yā muktirūpā gatiḥ - sā gatiḥ atra - aparapuruṣopadeśe nāsti | yadvā - ananyaprokte - svenaiva svayam avagate sati, atra gatiḥ paramaikāntiproktā gatiḥ nāsti, ayamātmā, aṇu pramāṇāt - aṇorapi, aṇīyān - sūkṣmaḥ, paramātmā | ataḥ - atarkyam - paramātmavastu tarkagocaraṃ na | ### [2.8.p3](https://indike.org/pramana/in.veda.upanisad.mukhya.katha!rangaramanuja.2.8.p3) pra. - na nareṇāvareṇeti | avareṇa - aśreṣṭhena prākṛtena pāṇḍityamātra prayojanavedāntaśravaṇena2, nareṇa - dehātmābhimāninā, eṣaḥ - ātmā, suvijñeyo na bhavati | kuto hetoḥ ? bahudhā cintyamānaḥ | vādibhiḥ iti śeṣaḥ | ananyaprokte gatiratra nāsti | ananyena - ucyamānātmano1'nanyena tadekāntinā brahmātmasākṣātkāriṇā, prokte atra ātmani yādṛśī avagatiḥ, sā ātmāvagatiḥ avareṇa prokte nāstītyarthaḥ | yadvā - atra - saṃsāre, gatiḥ - caṅkramaṇaṃ nāstītyarthaḥ | yadvā ananyaprokte - svayamavagate, gatiḥ - ātmāvagatiḥ, nāsti ityarthaḥ | anyaprokte iti pāṭhe, avaranaraprokte sati ātmāvagatiḥ2 nāsti ityarthaḥ| nanu - yena kenacidupadiṣṭe'pi ūhāpohaśālinaḥ syādeva ityata āha - aṇīyān hyatarkyamaṇu pramāṇāt| yato'ṇorapyaṇīyān ātmā, ataḥ tatsvarūpaṃ tarkāgocaram| ā.bhā. - pūrvamantre paramātmatattvasya vaktā jñātā ca āścaryaḥ iutyuktam | tatra hetustu na upanyastaḥ ; tam anena mantreṇa samupanyasyati - avareṇa - hīnena prākṛtabuddhinā dehendriyādiṣu ātmābhimānavatā nareṇa, proktaḥ - prakarṣeṇa uktaḥ samupadiṣṭo'pi, eṣaḥ - paramātmā, na suvijñeyaḥ - na hi samyak vijñātuṃ śakyaḥ yato hetoḥ vādibhiḥ taiḥ taiḥ tāntrikaiḥ, bahudhā cintyamānaḥ asti nāsti ityevaṃ rūpeṇa, kartā akartā ityevaṃ rūpeṇa, nityaḥ anityaḥ ityevaṃrūpeṇa bahuprakāreṇa vicāryamāṇo'sti; prakārabāhulyāt| akṛtātmasākṣātkāravatā nareṇa prāptopadeśasyāpi sambhramāvaśyaṃbhāvāt1 | ataḥ yadupadeśena nirvicikitsaṃ pratipadyetāyamātmā, tādṛśo vaktā āścarya eva | evaṃ satyapi kṛtātmasākṣātkāravataḥ upadeśe viṣayavāsanāvaśīkṛtamanasā avareṇa nareṇa naivaṃ samyak jñātumarhaḥ iti, jñātā'pi gatavāsanaḥ kaścideva ato jñātā'pi āścaryaḥ iti bhāvaḥ | ### [2.8.p4](https://indike.org/pramana/in.veda.upanisad.mukhya.katha!rangaramanuja.2.8.p4) ananyaprokte - anyena svāpekṣayā bhinnena brahmasākṣātkāravatā guruṇā, proktaḥ - anyaproktaḥ, tadbhinne - gurūpadeśamantareṇa svabuddhivyāpāramātreṇa vicintite'tra paramātmasvarūpe, gatiḥ - avagamaḥ samyak jñānamityetat, nāsti na bhavati kasyāpi | ### [2.8.p5](https://indike.org/pramana/in.veda.upanisad.mukhya.katha!rangaramanuja.2.8.p5) yadvā - ananyena paramātmani svātmatvānusandhānavattayā tadaikāntikena tatsākṣātkāravatā, prokte - atra paramātmasvarūpe, agatiḥ nāsti kintu brahmāvagatiḥ bhavatyeva | ### [2.8.p6](https://indike.org/pramana/in.veda.upanisad.mukhya.katha!rangaramanuja.2.8.p6) yadvā brahmasākṣātkāriṇā brahmasvarūpe prokte sati, atra saṃsāre, gatiḥ - bhramaṇaṃ nāsti; tādṛśagurūpasadanavataḥ ; yataḥ tādṛśagurūpadeśasāmarthyā- ### [2.8.p7](https://indike.org/pramana/in.veda.upanisad.mukhya.katha!rangaramanuja.2.8.p7) vagataparamātmayāthātmyo bhavatyeva saḥ iti bhāvaḥ | ūhāpohaviśiṣṭaḥ2 tarkakuśalaḥ svayamapi kathaṃ nāvagacchet ? avaraprokte'pi tarkakauśalena vā kathaṃ na vijñātayāthātmyaḥ syāt ? ityāśaṃkām nirākartumāha - aṇīyān aṇu pramāṇāt | aṇupramāṇāt - aṇorapi, aṇīyān - atiśayena aṇureva, tarkeṇa hi aṇuparimāṇaparyantaṃ kaścit sthāpitumarhati; na ## Linked texts (1) - [Kaṭhopaniṣad](https://indike.org/pramana/in.veda.upanisad.mukhya.katha.2.8) — Sanskrit --- Source: [https://indike.org/pramana/in.veda.upanisad.mukhya.katha!rangaramanuja.2.8](https://indike.org/pramana/in.veda.upanisad.mukhya.katha!rangaramanuja.2.8) · Pramāṇa