[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Kaṭhopaniṣad](https://indike.org/pramana/in.veda.upanisad.mukhya.katha) › [Tika](https://indike.org/pramana/in.veda.upanisad.mukhya.katha!tika) › 2.13 # Kaṭha Upaniṣad 2.13 Ṭīkā 2.13 - **Language:** Sanskrit ### [2.13](https://indike.org/pramana/in.veda.upanisad.mukhya.katha!tika.2.13) svāvidyāvṛtadṛṣṭīnāṃ tadāvṛtibhedanopāyatastadadhigamaḥ syādityata āha— yacchet iti | prājño vivekī vāgindriyopalakṣitendriyajātaṃ manasi niyacchet upasaṃharet manomātraparyavasānaṃ kuryādityarthaḥ | vāk vācam | vibhaktivyatyayaśchāndasaḥ | manasī iti dairghyaṃ chāndasam | tat saṅkalpavikalpātmakaṃ manaḥ jñāne ātmani buddhau niyacchet | buddhirhi manaādikaraṇagrāmamāpnotītyātmā | pratyagbhāvenetyarthaḥ | tajjñānāyamānabuddhiṃ ātmani mahati mahadupādhikahiraṇyagarbhātmani niyacchet | “hiraṇyagarbhaḥ samavartatāgre” iti śrutitaḥ prathamajaṃ mahāntamātmānaṃ viśvavirāḍotrādibhiḥ saha svātiriktakaraṇagrāmatadāropāpavādādhikaraṇagataheyāṃśaśāntaḥ ātmani kāṣṭhāpadaṃgatapuruṣe tanmātrāvaśeṣatayā niyacchet | - [Previous: 2.12](https://indike.org/pramana/in.veda.upanisad.mukhya.katha!tika.2.12) - [Next: 2.14](https://indike.org/pramana/in.veda.upanisad.mukhya.katha!tika.2.14) - [Up: 2](https://indike.org/pramana/in.veda.upanisad.mukhya.katha!tika.2) ## Linked texts (1) - [Kaṭhopaniṣad](https://indike.org/pramana/in.veda.upanisad.mukhya.katha.3.13) — Sanskrit --- Source: [https://indike.org/pramana/in.veda.upanisad.mukhya.katha!tika.2.13](https://indike.org/pramana/in.veda.upanisad.mukhya.katha!tika.2.13) · Pramāṇa