[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Khilakanda](https://indike.org/pramana/in.veda.upanisad.mukhya.khilakanda) › 11 # Khilakanda 11 Khilakāṇḍa 11 - **Language:** Sanskrit ## Contents - [11.3](https://indike.org/pramana/in.veda.upanisad.mukhya.khilakanda.11.3) — 1 part ### [11.1](https://indike.org/pramana/in.veda.upanisad.mukhya.khilakanda.11.1) ) iti smṛteḥ | yasmāt evaṃ ekaikasya brahmatvaṃ nopapadyate | tasmāt ‘ ha ’ kila ‘ ete eva tu devate ’ annaprāṇalakṣaṇe ‘ ekadhābhūyaṃ ’ ekadhābhāvaṃ ‘ bhūtvā ’ gatvā ‘ paramatāṃ ’ paramatvaṃ ‘ gacchataḥ ’ brahmatvaṃ prāpnuta ityarthaḥ ### [11.2](https://indike.org/pramana/in.veda.upanisad.mukhya.khilakanda.11.2) annaprāṇayorekatvena brahmadṛṣṭiḥ kāryā ityetamarthaṃ itihāsoktyā draḍhayati-taddha smāha prātṛdaḥ pitaraṃ kiṃ svidevaivaṃ viduṣe sādhu kuryātkimevāsmā' asādhu kuryāditīti | tadetadannaprāṇaikatvabrahmadarśanaṃ vidvān ‘ha’ kila prātṛdanāmā ṛṣīśvaro hṛṣṭaḥ san svaṃ ‘ pitaraṃ ’ prati ‘ āha sma ’ | kiṃsviditi vitarke | yathā mayā brahma parikalpitam | ‘ evaṃ ’ brahma ‘ viduṣe ’ ‘ sādhu ’ śobhanaṃ pūjāṃ ‘ kiṃkhit ’ kuryāt | na kiṃcidasya kartavyamiṣyate | anena sarvasyāpi prāptavyasya prāptatvāt | tathā ‘asmai ’ viduṣe ‘ asādhu ’ aśobhanaṃ vā ‘ kimeva ’ kuryāt | na kiṃcidapi kuryāt | loka iti śeṣaḥ | asya nirastāśeṣāsādhutvāt | itiśabdaḥ prātṛdvacanasamāptidyotaka ityarthaḥ | evamannaprāṇayorekatvavijñānavato na sādhukaraṇena mahattvaṃ nāpyasādhukaraṇena khaṇḍitatvaṃ, kiṃ tu -tasya kṛtakṛtyatvameveti putreṇokte sati naitāvanmātravijñānāt kṛtakṛtyatā puruṣasya, kiṃtu-asti jñātavyāntaramityabhipretya pitā putraṃ vārayatītyāha-sa ha smāha pāṇinā mā prātṛda kastvenayorekadhābhūyaṃ bhūtvā paramatāṃ gacchatīti ‘ saḥ ’ pitā ‘ ha ’ kila he ‘prātṛda’ ! iti putraṃ sambodhya ‘pāṇinā’ hastena vārayan ‘mā’ maivaṃ vocaḥ iti ‘ āha sma ’ pratyaṣedhayadityarthaḥ | etayorannaprāṇayorekadhābhūyaṃ ‘ bhūtvā ’ ‘ kastu ’ ko vā vidvān ‘ paramatāṃ gacchati ’ na kaścidapi | tasmānnaivaṃ vaktumarhasi | akṛtakṛtyo'sāvitītyarthaḥ ### [11.3](https://indike.org/pramana/in.veda.upanisad.mukhya.khilakanda.11.3) kathaṃ tarhi jñānāt kṛtakṛtyaḥ syāt ityapekṣāyāmanraprāṇayoḥ saśaktikayoḥ ekatvavijñānāt tathā syāt | na vi̱ṣṭāni̱ rami̍ti prā̱ṇo vai ra̍ṃ prā̱ṇe hīmā̍ni sarvā̍ṇi bhū̱tāni̱ ratā̍ni sarvā̍ṇi ha̱ vā'a̱sminbhū̱tāni̍ vi̱śante̱ sarvā̍ṇi bhū̱tāni̍ ramante̱ ya' e̱vamved ### [11.3.p1](https://indike.org/pramana/in.veda.upanisad.mukhya.khilakanda.11.3.p1) iti caturdaśe kāṇḍe ṣaṣṭhe prapāṭhake bṛhadāraṇyakopaniṣadi caturthaprapāṭhake ṣoḍaśaṃ brāhmaṇam ### [11.16](https://indike.org/pramana/in.veda.upanisad.mukhya.khilakanda.11.16) ( 6 ) 4 --- Source: [https://indike.org/pramana/in.veda.upanisad.mukhya.khilakanda.11](https://indike.org/pramana/in.veda.upanisad.mukhya.khilakanda.11) · Pramāṇa