[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Madhukanda](https://indike.org/pramana/in.veda.upanisad.mukhya.madhukanda) › 2 # Madhukanda 2: atha prathamādhyāyasya udgīthanāmatṛtīyaṃ brāhmaṇam Madhukāṇḍa 2 - **Language:** Sanskrit ## Contents - [2.28](https://indike.org/pramana/in.veda.upanisad.mukhya.madhukanda.2.28) — 2 parts ### atha prathamādhyāyasya udgīthanāmatṛtīyaṃ brāhmaṇam ### [2.1](https://indike.org/pramana/in.veda.upanisad.mukhya.madhukanda.2.1) dvayā ha prājāpatyā devāścāsurāśca| tataḥ kanīyasā eva devā, jyāyasā asurāsta eṣu lokeṣvaspardhanta te ha devā ūcurhantāsurānyajñe udgīthenātyayāmeti ### [2.2](https://indike.org/pramana/in.veda.upanisad.mukhya.madhukanda.2.2) te ha vācamūcustvaṃ na udgāyeti tatheti tebhyo vāgudagāyata| yo vāci bhogastaṃ devebhya āgāyadyatkalyāṇaṃ vadati tmātmane| te viduranena vai na udgātrā'tyeṣyantīti tamabhidrutya pāpmanā'vidhyant sa yaḥ sa pāpmā yadevedamapratirūpaṃ vadati sa eva sa pāpmā ### [2.3](https://indike.org/pramana/in.veda.upanisad.mukhya.madhukanda.2.3) atha ha ghrāṇamūcustvaṃ na udgāyeti tatheti tebhyaḥ ghrāṇa udagāyadyaḥ ghrāṇe bhogastaṃ devebhya āgāyadyatkalyāṇaṃ jighrati tadātmane| te viduranena vai na udgātrā'tyeṣyantīti tamabhidrutya pāpmanā'vidhyansa yaḥ sa pāpmā yadevedamapratirūpaṃ jighrati sa eva sa pāpmā ### [2.4](https://indike.org/pramana/in.veda.upanisad.mukhya.madhukanda.2.4) atha ha cakṣurūcustvaṃ na udgāyeti tatheti tebhyaścakṣurudagāyat| yaścakṣuṣi bhogastaṃ devebhya āgāyadyatkalyāṇaṃ paśyati tadātmane| te viduranena vai na udgātrā'tyeṣyantīti tamabhidrutya pāpmanā'vidhyansa yaḥ sa pāpmā yadevedamapratirūpaṃ paśyati sa eva sa pāpmā ### [2.5](https://indike.org/pramana/in.veda.upanisad.mukhya.madhukanda.2.5) atha ha śrotramūcustvaṃ na udgāyeti tatheti tebhyaḥ śrotramudagāyadyaḥ śrotre bhogastaṃ devebhya āgāyadyatkalyāṇaṃ śṛṇoti tadātmane| te viduranena vai na udgātrā'tyeṣyantīti tamabhidrutya pāpmanā'vidhyansa yaḥ sa pāpmā yadevedamapratirūpa 24 śṛṇoti sa eva sa pāpmā ### [2.6](https://indike.org/pramana/in.veda.upanisad.mukhya.madhukanda.2.6) atha ha mana ūcustvaṃ na udgāyeti tatheti tebhyo mana udagāyadyo manasi bhogastaṃ devebhya āgāyadyatkalyāṇa 24 saṃkalpayati tadātmane| te viduranena vai na udgātrā'tyeṣyantīti tamabhidrutya pāpmanā'vidhyansa yaḥ sa pāpmā yadevedamapratirūpathaṃ saṃkalpayati sa eva sa pāpmaivamu khalvetā devatāḥ pāpmabhirupāsṛjannevamenāḥ pāpmanā'vidhyan ### [2.7](https://indike.org/pramana/in.veda.upanisad.mukhya.madhukanda.2.7) atha hemamāsanyaṃ prāṇamūcustvaṃ na udgāyeti tatheti tebhya eṣa prāṇa udagāyatte viduranena vai na udgātrā'tyeṣyantīti tamabhidrutya pāpmanā'vivyatsansa yathā'śmānamṛtvā loṣṭo vidhvaṃsetaivathaṃ haiva vidhvaṃthaṃsamānā viṣvañco vineśustato devā abhavanparā'surā bhavatyātmanā parā'sya dviṣanbhrātṛvyo bhavati ya evaṃ veda ### [2.8](https://indike.org/pramana/in.veda.upanisad.mukhya.madhukanda.2.8) te hocuḥ kva nu so'bhūdyo na itthamasaktetyayamāsye'ntariti so'yāsya āṅgiraso'ṅgānāṃ hi rasaḥ ### [2.9](https://indike.org/pramana/in.veda.upanisad.mukhya.madhukanda.2.9) sā vā eṣā devatā dūrnāma dūraṃ hyasyā mṛtyurdūraṃ ha vā asmānmṛtyurbhavati ya evaṃ veda ### [2.10](https://indike.org/pramana/in.veda.upanisad.mukhya.madhukanda.2.10) sā vā eṣā devataitāsāṃ devatānāṃ pāpmānaṃ mṛtyumapahatya yatrā''sāṃ diśāmantastadgamayāṃcakāra tadāsāṃ pāpmano vinyadadhāttasmānna janamiyānnāntamiyānnetpāpmānaṃ mṛtyumanvavāyānīti ### [2.19](https://indike.org/pramana/in.veda.upanisad.mukhya.madhukanda.2.19) sā vā eṣā devataitāsāṃ devatānāṃ pāpmānaṃ mṛtyumapahatyāthainā mṛtyunatyavahat ### [2.12](https://indike.org/pramana/in.veda.upanisad.mukhya.madhukanda.2.12) sa vai vācameva prathamāmatyavahatsā yadā mṛtyumatyamucyata so'gnirabhavatso'yamagniḥ pareṇa mṛtyumatikrānto dīpyate ### [2.13](https://indike.org/pramana/in.veda.upanisad.mukhya.madhukanda.2.13) atha ghrāṇamatyavahatsa yadā mṛtyumatyamucyata sa vāyurabhavatso'yaṃ vāyuḥ pareṇa mṛtyumatikrāntaḥ pavate ### [2.14](https://indike.org/pramana/in.veda.upanisad.mukhya.madhukanda.2.14) atha cakṣuratyavahattadyadā mṛtyumatyamucyata so'sāvādityo'bhavatso'sāvādityaḥ pareṇa mṛtyumatikrāntastapati ### [2.15](https://indike.org/pramana/in.veda.upanisad.mukhya.madhukanda.2.15) atha śrotramatyavahattadyadā mṛtyumatyamucyata sā diśo'bhavaṃstā imā diśaḥ pareṇa mṛtyumatikrāntāḥ ### [2.16](https://indike.org/pramana/in.veda.upanisad.mukhya.madhukanda.2.16) atha mano'tyavahattadyadā mṛtyumatyamucyata sa candramā abhavatso'sau candraḥ pareṇa mṛtyumatikrānto bhātyevaṃ ha vā enameṣā devatā mṛtyumativahati ya evaṃ veda ### [2.17](https://indike.org/pramana/in.veda.upanisad.mukhya.madhukanda.2.17) athā''tmane'nnādyamāgāyadyaddhi kiṃcānna madyate'nenaiva tadadyata iha pratitiṣṭhati ### [2.18](https://indike.org/pramana/in.veda.upanisad.mukhya.madhukanda.2.18) te devā abruvannetāvadvā ida sarvaṃ yadannaṃ tadātmana āgāsīranu no'sminnanne ābhajasveti te vai mā'bhisaṃviśateti tatheti ta saṃmantaṃ pariṇyaviśanta | tasmādyadanenānnamatti tenaitāstṛpyantyeva havā ena svā abhisaṃviśanti bhartā svānā śreṣṭhaḥ pura etā bhavatyannādo'dhipatirya evaṃ veda, ya u haivaṃvida sveṣu prati pratiburbhūrṣati na haivālaṃ bhāryebhyo bhavatyatha ya evaitamanu bhavati yo vaitamanu bhāryānbubhūrṣati sa haivālaṃ bhāryebhyo bhavati ### [2.19-2](https://indike.org/pramana/in.veda.upanisad.mukhya.madhukanda.2.19-2) so'yāsya āṅgiraso'ṅgānāṃ hi rasaḥ prāṇo vā aṅgānāṃ rasaḥ prāṇo hi vā aṅgānāṃ rasastasmādyasmātkasmāccāṅgātprāṇa utkrāmati tadeva tacchuṣyatyeṣa hi vā aṅgānāṃ rasaḥ ### [2.20](https://indike.org/pramana/in.veda.upanisad.mukhya.madhukanda.2.20) eṣa u eva bṛhaspatirvāgvai bṛhatī tasyā eṣa patistasmādu bṛhaspatiḥ ### [2.21](https://indike.org/pramana/in.veda.upanisad.mukhya.madhukanda.2.21) eṣa u eva brahmaṇaspatirvāgvai brahma tasyā eṣa patistasmādu brahmaṇaspatiḥ ### [2.22](https://indike.org/pramana/in.veda.upanisad.mukhya.madhukanda.2.22) eṣa u eva sāma vāgvai sā'm eṣa sā cāmaśceti tatsāmnaḥ sāmatvam| yadveva samaḥ pluṣiṇā samo maśakena samo nāgena sama ebhistribhirlokaiḥ samo'nena sarveṇa tasmādveva sāmāśnute sāmnaḥ sāyujyaṃ salokatāṃ ya evametatsāma veda ### [2.23](https://indike.org/pramana/in.veda.upanisad.mukhya.madhukanda.2.23) eṣa u vā udgīthaḥ prāṇo vā utprāṇena hīdath‌ sarvamuttabdhaṃ vāgeva gīthocca gīthā ceti sa udgīthaḥ ### [2.24](https://indike.org/pramana/in.veda.upanisad.mukhya.madhukanda.2.24) taddhāpi brahmadattaścaikitāneyo rājānaṃ bhakṣayannuvācāyaṃ tyasya rājā mūrdhānaṃ vipātayatādyadito'yāsya āṅgiraso'nyenodgāyaditi vācā ca hyeva sa prāṇena codgāyaditi ### [2.25](https://indike.org/pramana/in.veda.upanisad.mukhya.madhukanda.2.25) tasya haitasya sāmno yaḥ svaṃ veda bhavati hāsya svaṃ tasya vai svara eva svaṃ tasmādārtvijyaṃ kariṣyanvāci svaramiccheta tayā vācā svarasaṃpannayā''rtvijyaṃ kuryāttasmādyajñe svaravantaṃ didṛkṣanta eva| atho yasya svaṃ bhavati bhavati hāsya svaṃ ya evametatsāmnaḥ svaṃ veda ### [2.26](https://indike.org/pramana/in.veda.upanisad.mukhya.madhukanda.2.26) tasya haitasya sāmno yaḥ suvarṇaṃ veda bhavati hāsya suvarṇaṃ tasya vai svara eva suvarṇaṃ bhavati hāsya suvarṇaṃ ya evametatsāmnaḥ suvarṇaṃ veda ### [2.27](https://indike.org/pramana/in.veda.upanisad.mukhya.madhukanda.2.27) tasya haitasya sāmno yaḥ pratiṣṭhāṃ veda prati ha tiṣṭhati tasya vai vāgeva pratiṣṭhā vāci hi khalveṣa etatprāṇaḥ pratiṣṭhito gīyate'nne ityu haike āhuḥ ### [2.28](https://indike.org/pramana/in.veda.upanisad.mukhya.madhukanda.2.28) athātaḥ pavamānānāmevābhyārohaḥ sa vai khalu prastotā sāma prastauti sa yatra prastuyāttadetāni japet| asato mā sadgamaya, tamaso mā jyotirgamaya, mṛtyormā'mṛtaṃ gamayeti sa yadāhāsato mā sadgamayeti mṛtyurvā asatsadamṛtaṃ mṛtyormā'mṛtaṃ gamayāmṛtaṃ mā kurvityevaitadāha tamaso mā jyotirgamayeti mṛtyurvai tamo jyotiramṛtaṃ mṛtyormā'mṛtaṃ gamayāmṛtaṃ mā kurvityevaitadāha mṛtyormā'mṛtaṃ gamayeti nātra tirohitamivāsti | atha yānītarāṇi stotrāṇi teṣvātmane'nnādyamāgāyettasmādu teṣu varaṃ vṛṇīta yaṃ kāmaṃ kāmayeta tam̐ sa eṣa evaṃvidudgātā''tmane vā yajamānāya vā yaṃ kāmaṃ kāmayate tamāgāyati taddhaitallokajideva na haivālokyatāyā āśā'sti ya evametatsāma veda ### [2.28.p1](https://indike.org/pramana/in.veda.upanisad.mukhya.madhukanda.2.28.p1) iti prathamādhyāyasyodgīthanāmatṛtīyaṃ brāhmaṇam ||3 ### [2.28.p2](https://indike.org/pramana/in.veda.upanisad.mukhya.madhukanda.2.28.p2) iti prathamādhyāsyodgīthanāmatṛtīyaṃ brāhmaṇam ||3 ## Linked texts (13) - [Kāṇva](https://indike.org/pramana/in.veda.upanisad.mukhya.brhadaranyaka*kanva.1.3.1) — Sanskrit - [Īśādiviṃśottaraśatopaniṣadaḥ](https://indike.org/pramana/in.veda.upanisad.isadivimsottarasatopanisadah.1.34_1271) — Sanskrit - [Mādhyandina](https://indike.org/pramana/in.veda.brahmana.satapatha*madhyandina.14.3.2.31) — Sanskrit - [Śatapathabrāhmaṇa or Bṛhadāraṇyakabrāhmaṇa](https://indike.org/pramana/in.veda.brahmana.satapatha.satapathabrahmanaorbrhadaranyakabrahmana.4.9) — Sanskrit - [Īśādidvādaśopaniṣadaḥ](https://indike.org/pramana/in.veda.upanisad.mukhya.isadidvadasopanisadah.134.1) — Sanskrit - [Mantrapuṣpa](https://indike.org/pramana/in.veda.svadhyaya.santi.mantrapuspa.8.1) — Sanskrit - [Īśādyupaniṣadaḥ](https://indike.org/pramana/in.veda.upanisad.mukhya.isadyupanisadah.190.1) — Sanskrit - [Aṣṭottaraśatopaniṣadaḥ](https://indike.org/pramana/in.veda.upanisad.samanya.astottarasatopanisadah.204.1) — Sanskrit - [Different Upaniṣads](https://indike.org/pramana/in.veda.upanisad.mukhya.differentupanisads.145.1) — Sanskrit - [Bṛhadāraṇyakopaniṣadbhāṣyavārttikasāra](https://indike.org/pramana/in.darsana.advaita.prakarana.early.vidyaranya.brhadaranyakopanisadbhasyavarttikasara.13.8) — Mādhava, Sanskrit - [Upaniṣads](https://indike.org/pramana/in.veda.upanisad.mukhya.upanisads.199.1) — Sanskrit - [Aṣṭāviṃśatyupaniṣad](https://indike.org/pramana/in.veda.upanisad.astavimsatyupanisad.196.1) — Sanskrit - [Vedāntasamanvaya](https://indike.org/pramana/in.darsana.vedanta.brahmasutra-works.vedantasamanvaya.23.p1.10) — Gurugovinda Rāya, Sanskrit --- Source: [https://indike.org/pramana/in.veda.upanisad.mukhya.madhukanda.2](https://indike.org/pramana/in.veda.upanisad.mukhya.madhukanda.2) · Pramāṇa