Mahaitareya 16

Language: Sanskrit

16.p1

tā etā devatāḥ sṛṣṭā asmin mahatyarṇave prāpataṃstamaśanāpipāsābhyāmanvavārjat tā enamabruvannāyatanaṃ naḥ prajānīhi || yasmin pratiṣṭhitā annamadāmeti tābhyo gāmānayat tā abruvan navai no'yamalamiti tābhyaḥ puruṣamānayat tā abruvan sukṛtaṃ bateti puruṣo vāva sukṛtam

16.p2

upaniṣat-

16.p3

indriyābhimānidevatāḥ

16.p4

tā abravīd yathāyatanaṃ prāviśatetyagnirvāg bhūtvā mukhaṃ prāviśad vāyuḥ prāṇo bhūtvā nāsike prāviśadādityaścakṣurbhūtvā'kṣiṇī prāviśad diśaḥ śrotraṃ bhūtvā karṇau prāviśannoṣadhivanaspatayo lomāni bhūtvā tvacaṃ prāviśaṃścandramā mano bhūtvā hṛdayaṃ prāviśat || mṛtyurapāno bhūtvā nābhiṃ prāviśadāpo reto bhūtvā śiśnaṃ prāviśan

16.p5

upaniṣat-

16.p6

aśanāpipāsābhimānī mukhyaprāṇaḥ

16.p7

tamaśanāpipāse abrūtāmāvābhyāmabhiprajānīhīti te abravīdetāsveva vāṃ devatāsvābhajāmyetāsu bhāginyau karomīti || tasmād yasyai kasyai ca devatāyai havirgṛhyate bhāginyāvevāsyāmaśanāpipāse bhavataḥ

16.p8

iti dvitīyaḥ khaṇḍaḥ