Mahaitareya 2

Language: Sanskrit

2.p1

ukthamukthamiti vai prajā vadanti tadidamevokthamiyameva pṛthivīto hīdaṃ sarvamuttiṣṭhati yadidaṃ kiñca tasyāgnirarko'nnamaśītayo'nnena hīdaṃ sarvamaśnute antarikṣamevokthamantarikṣaṃ vā anu patantyantarikṣamanu dhāvayanti

2.p2

upaniṣat-

2.p3

tasya vāyurarko'nnamaśītayo'nnena hīdaṃ sarvamaśnute'sāveva dyaurukthamamutaḥ pradānāddhīdaṃ sarvamuttiṣṭhati yadidaṃ kiñca || tasyāsāvādityo'rko'nnamaśītayo'nnena hīdaṃ sarvamaśnuta ityadhidaivatamathādhyātmam

2.p4

upaniṣat-

2.p5

puruṣa evokthamayameva mahān prajāpatirahamukthamasmīti vidyāt tasya mukhamevokthaṃ yathā pṛthivī tathā tasya vāgarko'nnamaśītayo'nne nihīdaṃ sarvamaśnute || nāsike evokthaṃ yathā'ntarikṣaṃ tathā tasya prāṇo'rko'nnamaśītayo'nnena hīdaṃ sarvamaśnute tadetad brahmasya viṣṭapaṃ yadetannāsikāyai vinatamiva lalāṭamevoktham || upaniṣatyathā dyaustathā tasya cakṣurannamaśītayo'nnena hīdaṃ sarvamaśnute || samānamaśītayo'dhyātmaṃ caivādhidaivataṃ cānnamevānnena hīmāni sarvāṇi bhūtāni samanantī3 || annenemaṃ lokaṃ jayatyannenāmuṃ tasmāt samānamaśītayo'dhyātmaṃ cādhidaivataṃ cānnameva tadidamannamannādamiyameva pṛthivīto hīdaṃ sarvamuttiṣṭhati yadidaṃ kiñci || upaniṣatyaddha kiñcedaṃ pretā3i || tadasau sarvamatti yadu kiñcāta: praitī3 tadiyaṃ sarvamatti seyamityādyā'ttyattā havā ādyo bhavati na tasyeśe yaṃ nādyād yadvainaṃ nādyuḥ

2.p6

iti dvitīyaṃ brāhmaṇam

Linked texts (5)

Aitareyāraṇyaka — Sanskrit
Bahvṛcāraṇyabhāṣya — Sanskrit
Aitareyāraṇyaka (Aitareya Mahīdāsa) — Aitareya Mahīdāsa, Sanskrit
Daśopaniṣad — Sanskrit
Dvitīyāraṇyaka — Sanskrit