Mahaitareya 22
Mahaitareya 22
- Language
- Sanskrit
22.p1
athātaḥ saṃhitāyā upaniṣat || 1
22.p2
pṛthivī pūrvarūpaṃ dyauruttararūpaṃ vāyuḥ saṃhiteti māṇḍūkeyaḥ
22.p3
varṇadvayaṃ vikāraṃ ca ṣakāraṃ kecidabruvan| ṣakāraṃ madhyamatraiva ṇakāraṃ keciduttaram| pṛthak karaṇamevaiṣāṃ varṇayormadhyamucyate| upasargamātraṃ vītyāhuḥ kecinnāma ṣṇumātrakam| ṣakāraṃ ca ṇakāraṃ ca varṇau pūrvottarāvapi| vyaktirevoṣmaṇastatra madhyamityabhidhīyate| sarve'pyeta upādeyāḥ pakṣā nirdoṣakā yataḥ||' ityādyaitareyasaṃhitāyām
22.p4
upaniṣat-
22.p5
saṃhitāvidyā-mākṣvyamunerupāsanā
22.p6
ākāśaḥ saṃhitetyasya mākṣyo vedayāñcakre || sa ha viparihato mene na me'sya putreṇa samagāditi samāne vai tatparihato mena ityāgastyaḥ
22.p7
māṇḍūkeyamākṣyamunyordvāvapi pakṣau samānau
22.p8
samānaṃ hyetad bhavati vāyuścā'kāśaścetyadhidaivatam | athādhyātmam || vāk pūrvarūpaṃ mana uttararūpaṃ prāṇaḥ saṃhiteti śūravīro māṇḍūkeyo'tha hāsya putra āha jyeṣṭho manaḥ pūrvarūpaṃ vāguttararūpaṃ manasā vā agre saṅkalpayatyatha vācā vyāharati tasmānmana eva pūrvarūpaṃ vāguttararūpaṃ prāṇastveva saṃhiteti samānamenayoratra pituśca putrasya ca
22.p9
sa eṣo'śvarathaḥ praṣṭivāhano manovākprāṇasaṃhataḥ || sa ya evametāṃ saṃhitāṃ veda sandhīyate prajayā paśubhiryaśasā brahmavarcasena svargeṇa lokena || sarvamāyuretīti nu māṇḍūkeyānām
22.p10
iti prathamaḥ khaṇḍaḥ
Linked texts (5)
- Śāṅkhāyanāraṇyaka — Sanskrit
- Aitareyāraṇyaka — Sanskrit
- Bahvṛcāraṇyabhāṣya — Sanskrit
- Śāṅkhāyanīyopaniṣad — Sanskrit
- Aitareyāraṇyaka (Aitareya Mahīdāsa) — Aitareya Mahīdāsa, Sanskrit