Mahaitareya 23
Mahaitareya 23
- Language
- Sanskrit
23.p1
prajādikamapi tadicchūnāṃ yathāyogyaṃ bhavati| māṇḍūkeyairṛpibhirupāśritā etā vidyāḥ
23.p2
atha śākalyasya pṛthivī pūrvarūpaṃ dyauruttararūpaṃ vṛṣṭiḥ sandhiḥ parjanyaḥ sandhātā tadutāpi yatraitad balavadanūdbahan sandadhadahorātre varṣati || dyāvāpṛthivyau tadutāpi yatraitad balavadanūdbahan sandadhadahorātre varṣati || dyāvāpṛthivyau samadhātāmityutāpyāhuritī nvadhidaivatam
23.p3
athādhyātmam || puruṣo vā ayaṃ sarva ānandaṃ dve vidale bhavata ityāhustasyedameva pṛthivyā rūpamidaṃ divastatrāyamantareṇākāśo yathāsau dyāvāpṛthivyāvantareṇākāśastasmin hāsminnākāśe prāṇa āyatto yathāsamuṣminnākāśe vāyurāyatto yathāmūni trīṇi jyotīṃṣītyevamimāni puruṣe trīṇi jyotīṃṣi yathāsau divyāditya evamidaṃ śirasi cakṣuryathāsāvantarikṣe vidyudevamidamātmani hṛdayaṃ yathāyamagniḥ || pṛthivyāmevamidamupasthe reta evamu hasma sarvalokamātmānamanu vidhāyāhedameva pṛthivyā rūpamidaṃ divaḥ sa ya evametāṃ saṃhitāṃ veda || sandhīyate prajayā paśubhiryaśasā brahmavarcasena svargeṇa lokena sarvamāyuriti
23.p4
iti dvitīyaḥ khaṇḍaḥ
Linked texts (5)
- Śāṅkhāyanāraṇyaka — Sanskrit
- Aitareyāraṇyaka — Sanskrit
- Aitareyāraṇyaka (Aitareya Mahīdāsa) — Aitareya Mahīdāsa, Sanskrit
- Bahvṛcāraṇyabhāṣya — Sanskrit
- Śāṅkhāyanīyopaniṣad — Sanskrit