Mahaitareya 24
Mahaitareya 24
- Language
- Sanskrit
24.p1
athāto nirbhujapravādāḥ || pṛthivyāyatanaṃ nirbhujaṃ divyāyatanaṃ pratṛṇṇamantarikṣāyatanamubhayamantareṇātha yadyenaṃ nirbhujaṃ bruvantamupavadedacyoṣṭhā avarābhyāṃ sthānābhyāmityenaṃ brūyādatha yadyenaṃ pratṛṇṇaṃ bruvantamupavadedacyoṣṭhā uttarābhyāṃ sthānābhyāmityenaṃ brūyād yastvevobhayamantareṇāḍaha tasya nāstyupavādaḥ
24.p2
upaniṣat-
24.p3
viṣṇunāmi saṃhitāpadakramāḥ
24.p4
yaddhi sandhiṃ vivartayati tannirbhujasya rūpamatha yacchuddhe akṣare abhivyāharati tat pratṛṇṇasyāgra u evobhayamantareṇobhayaṃ vyāptaṃ bhavatyannādyakāmo nirbhujaṃ brūyāt svargakāmaḥ pratṛṇṇamubhayakāma ubhayamantareṇa | atha yadyenaṃ nirbhujaṃ bruvantaṃ para upavadet pṛthivīṃ devatāmāraḥ pṛthivī tvā devatā riṣyatītyenaṃ brūyādatha yadyenaṃ pratṛṇṇaṃ bruvantaṃ para upavaded divaṃ devatāmāro dyaustvā devatā riṣyatītyenaṃ brūyādatha yadyenamubhayamantareṇa bruvantaṃ para upavadedantarikṣaṃ devatāmāro'ntarikṣaṃ tvā devatā riṣyatītyenaṃ brūyād yathā tukathāca bruvan vā bruvantaṃ vā brūyādabhyāśameva yat tathā syāt | bhāṣyam-
24.p5
mukundādinindanaśīlāḥ tāmasāḥ śāpādinā śāsanīyāḥ
24.p6
upavedityukto manuṣyamātraḥ| para upavedityasuraḥ| sarvaśatrutvāt| 'amuktiyogyaistu narairviduṣāṃ nindane kṛte | brūyāllokacyuto'sīti nindito'surasargagaiḥ | nāśayiṣyati viṣṇustvāmandhe tamasi pātayet | iti brūyānnatu brūyād devasargātmakaṃ kacit ||' iti ca || 'ṣaṇayoḥ sandhikaraṇāt saṃhitādhyayanaṃ bhavet | viṣaṇustviti yo brūyāt padādhyāyī bhaveta saḥ | sandhyuktiśca vibhāgaśca dvayaṃ vyāptaṃ krameṇa tu | tasmād dvidhā'pi vacanāt kramādhyāyī bhaveta saḥ | bhogavṛddhiṃ tu yo mokṣa icched viṣṇava ityasau | mokṣakāmo viṣaṇave dvayakāmo dvayaṃ vadet | viṣṇunāmātmakatvāccātha saṃhitapadakramāḥ | sarvavedasthitā mokṣastandvogadvayasādhakāḥ | tajjñānameva nānyeṣāmiti vedānuśāsanam | saṃhitādhyā bruvan vā'pi ya evaṃvinnavā bruvan | parivādaṃ bruvantaṃ vā na bruvantamathāpi vā | yad vadet tat tathaiva syāt kṣiprameva na saṃśayaḥ ||' iti ca || agra eva 'agryameva' ubhayamantareṇa
24.p7
upaniṣat-
24.p8
namo'stu brāhmaṇebhyaḥ
24.p9
natvevānyat kuśalād brāhmaṇaṃ brūyādatiyumna eva brāhmaṇaṃ brūyānnātiyumne cana brāhmaṇaṃ brūyānnamo astu brāhmaṇebhya
24.p10
iti ha smāha śūravīro māṇḍūkeyaḥ || || iti tṛtīyaḥ khaṇḍaḥ
Linked texts (3)
- Aitareyāraṇyaka — Sanskrit
- Śāṅkhāyanāraṇyaka — Sanskrit
- Śāṅkhāyanīyopaniṣad — Sanskrit