Mahaitareya 29
Mahaitareya 29
- Language
- Sanskrit
29.p1
bhāṣyamasthisthānyeva rūpāṇi parvasvapi hareryataḥ| tataṃ eva vibhaktāni saṅkhyā teṣāṃ pṛthaṅ na tat| tasmāt saptaśatānyeva dehe viṃśacca tasya hi| rūpāṇi viṣṇorbhāge tu ṣaṣṭyuttaraśatatrayam| tānyeva viṣṇo rūpāṇi vatsarāhaḥsu sarvaśaḥ| aharnāmā ca bhagavānahāryatvāt prakīrtitaḥ| ahobhiḥ samasaṅkhyāni yasmāddhyātmagāni tu| tāhakśravaṇaśaktitvād tathā śrotramayaḥ smṛtaḥ| chandomayaḥ satyakāmo mantravaktṛbalātmakaḥ| evaṃ vidvāṃstasya rūpāṇyāpnoti jñānaputravān| pīyamānaṃ śamāpnoti prāpyāharnāmakaṃ harim
29.p2
atha kauṇṭharavyastrīṇi ṣaṣṭiśatānyakṣarāṇāṃ trīṇi ṣaṣṭi-śatānyūṣmaṇāṃ trīṇi ṣaṣṭiśatāni sandhīnām || yānyakṣarāṇyavocāmāhāni tāni yānūṣmaṇo'vocāma rātrayastā yān sandhīnavocāmāhorātrāṇāṃ te sandhaya ityadhidaivatam
29.p3
arkasthitabṛhatyākhyarūpāṇyahnāṃ ca sarvaśaḥ | sampādakāni tānyeva tānyakṣaramitāni ca | asthyādisthitarūpāṇi tānyupāsya vimucyate ||' iti ca
29.p4
athādhyātmam || yānyakṣarāṇyadhidaivatamavocāmāsthīni tānyadhyātmam || yānyūṣmāṇo'dhidaivatamavocāma majjānaste'dhyātsameṣa havai samprati prāṇo yanmajjaitadreto na havā ṛte prāṇād retaḥ sicyate yad vā ṛte prāṇād retaḥ sicyate yad vā ṛte prāṇād retaḥ sicyeta || pūyenna sambhaved yān sandhīnadhidaivatamavocāma parvāṇi tānyadhyātmam || tasyaitasya trayasyāsthnāṃ majjñāṃ parvaṇāmiti || pañcetiścatvāriṃśacchatāni pañcetistadaśītisahasraṃ bhavatyaśītisahasraṃ vā arkalino bṛhatīraharabhisampādyanti || sa eṣo'kṣarasammānaścakṣurmayaḥ śrotramayaśchandomayo manomayo vāṅmaya ātmā sa ya evametamakṣarasammānaṃ cakṣurmayaṃ śrotramayaṃ chandomayaṃ manomayaṃ vāṅmayamātmānaṃ vedākṣarāṇāṃ sāyujyaṃ sarūpatāṃ salokatāmaśnute putrī paśumān bhavati sarvamāyureti
29.p5
iti dvitīyaḥ khaṇḍaḥ
Linked texts (2)
- Śāṅkhāyanāraṇyaka — Sanskrit
- Śāṅkhāyanīyopaniṣad — Sanskrit