Mahaitareya 3

Language: Sanskrit

3.p1

pūrṣu sthitatvāt sa mahān prajānāṃ patireva ca | ahamukthamiti hyetāṃ vidyāmanubhavatyasau || pṛthak pṛthak ca tasyāṅgānyukthāni jagadīśituḥ | agnivātadineśānāmutthānāni pṛthakpṛthak || vadanaṃ nāsikā netramityetāni parātmanaḥ

3.p2

tṛcāśītivibhinnasya śāstrasyānnatvahetutaḥ || viṣṇostṛcāśītivat syāt prasiddhānnamiti sphuṭam | annābhimānidevaśca tṛcāśītyāśca devatāḥ || soma eva tataścānnamaśītaya itīritam | adanāghrāṇadṛṣṭākhyabhogatrayavibhāgataḥ || mukhanāsācakṣuṣāṃ tadbhogyamannaṃ hareḥ śrutam

3.p3

bhāṣyam-

3.p4

iyenākāracitigagaruḍārūḍho viṣṇurarkaḥ

3.p5

araṇaṃ gamanaṃ yasmādarkaḥ śīghragatitvataḥ || iyena eva tadākārā citirarkapadoditā | suparṇapratimā sā yat tadārūḍho janārdanaḥ || tasmāt tasyārka iti sā procyate vaidikaiḥ padaiḥ | yo'sau citigato vīndraḥ so'gnirvātaraviraṣvapi || tathā vākprāṇacakṣuṣṣu tasmāt te'rkāḥ prakīrtitāḥ | teṣu sthite suparṇe ca rūpabhedaiḥ pṛthakpṛthak || sthito viṣṇustadarkāste tasmādeva prakīrtitāḥ

3.p6

vyāptatvājjīvadeheṣu mukhe viṣṇormukhaṃ smṛtam || nāsayornāsikā viṣṇorakṣṇoreva tadakṣiṇī | jīvavākprāṇacakṣuṣṣu tadvāgādyāstataḥ sthitāḥ || viṣṇorvāg bhārgavo rāmaḥ prāṇo'sya narakesarī | cakṣustu kapilo viṣṇuragṭyādīnāṃ ca kāraṇam || jīvavāgādisaṃsthaṃ ca suparṇamadhisaṃsthitāḥ | aviśeṣo'pi bhagavān pūrṇaiśvaryasvarūpataḥ || aṅgāṅgitvenaika eva svānandānubhave sthitaḥ | sa eva vyūhya cātmānaṃ pṛthagrūpa iva sthitaḥ || suparṇanāmā bhagavān suparṇe ca vyavasthitaḥ | agryādiṣu ca tannāmā vāsudevaḥ sa saṃsthitaḥ || annanāmā sa evānne ceṣṭayan sarvamāsthitaḥ | anne sthitassa eveśo hyannadātṛgatipradaḥ

3.p7

tasyāntarikṣagasyaiva niyamādanu pakṣiṇaḥ | patanti dhāvayantyaśvān narārdīṃśca narādayaḥ || parasya viṣṇordhāmatvāt sūryo brahma itīritaḥ | nihitaścaiva taloko nāsikāyāṃ natasthale || pṛthivyāṃ saṃsthito viṣṇuḥ strīrūpeṇa dyulokataḥ | patitaṃ sarvamevātti tathā divi ca saṃsthitaḥ || ito gataṃ sarvamatti dyunāmā bhagavān paraḥ | bhogyatvādādya ityukta evamādyāttṛrūpavān || eka eva paro viṣṇurattā'nyairupajīvyataḥ | ādyo bhavati cānyeṣāṃ nopajīvyo bhaved yathā || hariḥ sa sarvajīvānāṃ na bhujyante yathā'munā | sarve lokāstathā kartuṃ naiveṣṭe kaścana kacit

3.p8

sṛṣṭikartā śrīhariḥ

3.p9

athāto retasaḥ sṛṣṭiḥ prajāpate reto, devā devānāṃ reto varṣaṃ varṣasya reta oṣadhaya oṣadhīnāṃ reto'nnamannasya reto reto retaso retaḥ prajāḥ prajānāṃ reto hṛdayaṃ hṛdayasya reto mano manaso reto vāg vāco retaḥ karma || tadidaṃ karmakṛtamayaṃ puruṣo brahmaṇo lokaḥ sa irāmayo yaddhīrāmayāstasmāddhiraṇmayo hiraṇmayo havā amuṣmin loke sambhavati hiraṇmayaḥ sarvebhyo bhūtebhyo daddaśe ya evaṃ veda || 3

3.p10

iti tṛtīyaṃ brāhmaṇam

Linked texts (5)

Aitareyāraṇyaka — Sanskrit
Bahvṛcāraṇyabhāṣya — Sanskrit
Daśopaniṣad — Sanskrit
Aitareyāraṇyaka (Aitareya Mahīdāsa) — Aitareya Mahīdāsa, Sanskrit
Dvitīyāraṇyaka — Sanskrit