Pramāṇa · Search · About · API

Mahaitareya 9

Mahaitareya 9

Language
Sanskrit

9.p1

upaniṣat-

9.p2

brahmarudrādināmānyapi harināmānyeva

9.p3

āpā ityāpaḥ iti tadidamāpa evedaṃ vai mūlamadastūlamayaṃ pitaite putrā yatra ha kaca putrasya tat pituryatra vā pitustat putrasyetyetat taduktaṃ bhavatyetaddha sma vai tad vidvānāha mahidāsa aitareya ā'haṃ māṃ devebhyo vedā o mad devān vedetaḥ pradānā hyeta itaḥ sambhṛtā iti

9.p4

mayi devāsteṣu cāhamiti viddhi varānane | mayaitāni pradattāni padāni brahmapūrvakāḥ || adhitiṣṭhanti sattādyā apyeteṣāṃ madājñayā | jñānakarmabalehādyā maddattā iti kiṃ vade || sambhṛtā matta evaite …………

9.p5

upaniṣat-

9.p6

bhagavāneva brahmagiriḥ

9.p7

sa eṣa giriścakṣuḥ śrotraṃ mano vāk prāṇastaṃ brahmagirirityācakṣate girati ha vai dviṣantaṃ pāpmānaṃ bhrātṛvyaṃ parā'sya dviṣan pāpmā bhrātṛvyo bhavati ya evaṃ veda

9.p8

bhāṣyam.............. sa eṣa bhagavān giriḥ | giraṇāt sarvabhūtānāṃ cakṣurnāmāsya darśanāt || sarvaśrotṛtvataḥ śrotraṃ mano mantṛtvahetutaḥ | prāṇanāmā praṇetṛtvāt tamenaṃ guṇapūrtitaḥ || giraṇāccārikhalasyāsya prāhurbrahmagiriṃ prabhum | ya evaṃ veda taṃ viṣṇumāparokṣyeṇa śāśvatam || giratyevākhilaṃ pāpaṃ bhrātṛvat saha saṃsthitam | parābhavati pāpmā'sya dveṣṭā nirayadassadā

9.p9

sa eṣo'suḥ sa eṣa prāṇaḥ sa eṣa bhūtiścābhūtiśca taṃ bhūtiriti devā upāsāñcakrire te babhūvustasmāddhāpyetarhi supto bhūrbhūrityeva praśvasityabhūtirityasurāste ha parā babhūvurbhavatyātmanā parāsya dviṣan pāpmā bhrātṛvyo bhavati ya evaṃ veda

9.p10

bhāṣyamasanād bhagavān so'suḥ sarvasyāpi janārdanaḥ | prakṛṣṭānandarūpatvāt prāṇa ityabhidhīyate || sa eva bhūtināmā'pi jñānaiśvaryādibhūtidaḥ | ajñānādipradātṛtvāt sa evābhūtināmakaḥ || sukhajñānādiguṇadaṃ pūrṇaṃ sarvaguṇaiḥ prabhum | upāsate taṃ vāyvādyā devāstasmācca te'khilāḥ || babhūvuḥ sukhasajjñānapūrvaiḥ sarvairguṇairyutāḥ | devānāmapi sarveṣāṃ pradhāno'dyāpi mārutaḥ || sthitvā supteṣu viṣṇuṃ taṃ bhūrbhūrityeva śaṃsati | bhūśabdārtho bhūtiriti vaiparītyena cāsurāḥ || abhūtikāraṇo'smākamaiśvaryādiguṇojjhitaḥ | ityevopāsate tasmāt parābhūtāśca sarvaśaḥ || jñānaiśvaryādibhirhīnā: peturandhe tamasyatha | ya evaṃ veda taṃ viṣṇuṃ bhūtidaṃ bhūtirūpiṇam || bhāvābhāvaṃ ca devānāṃ daityānāṃ caivameva tu | jñānaiśvaryādibhiḥ so'pi bhavet tasya parātmanaḥ || prasādādasya pāpmā ca parābhavati sarvaśaḥ

9.p11

sa eṣa mṛtyuścaivāmṛtaṃ ca taduktamṛṣiṇā | apāṅ prāḍeti svadhayā gṛbhīta ityapānena hyayaṃ yataḥ prāṇo na parāṅ bhavatyamartyo martyenā sayonirityetena hīdaṃ sarvaṃ sayoni martyāni hīmāni śarīrāṇī3 || amṛtaiṣā devatā tā śaśvantā viṣūcīnā viyantā nyanyaṃ cikyurna nicikyuranyamiti nicinvanti haivemāni śarīrāṇī3 || amṛtaivaiṣā devatā'mṛto havā amuṣmin loke sambhavatyamṛtaḥ sarvebhyo bhūtebhyo dṛdṛśe ya evaṃ veda ya evaṃ veda

9.p12

iti śrīmahaitareyopaniṣadi dvitīyapraghaṭṭake prathamo'dhyāyaḥ

Linked texts (5)