Muṇḍaka Upaniṣad 1.2
Padapāṭha (sandhi-resolved text, TITUS) 1.2
- Language
- Sanskrit
1.2.1
tat etat satyam.
mantreṣu karmāṇi kavayaḥ yāni apaśyan tāni tretāyām bahudhā santatāni.
tāni ācaratha niyatam satyakāmāḥ eṣaḥ vaḥ panthāḥ sukṛtasya loke.
1.2.2
yadā lelāyate hi arciḥ samiddhe havyavāhane.
tadā ājyabhāgau antareṇa āhutīḥ pratipādayet śraddhayā hutam.
śraddhayā hutam om.
1.2.3
yasya agnihotram adarśam apaurṇamāsam acāturmāsyam anāgrayaṇam atithivarjitam ca.
ahutam avaiśvadevam avidhinā hutam ā saptamān tasya lokān hinasti.
1.2.4
kālī karālī ca manojavā ca sulohitā yā ca sudhūmravarṇā.
sphuliṅginī viśvarucī ca devī lelāyamānāḥ iti sapta jihvāḥ.
1.2.5
eteṣu yaḥ carate bhrājamāneṣu yathākālam ca āhutayaḥ hi *ādadāyan.
tam nayanti etāḥ sūryasya raśmayaḥ yatra devānām patiḥ ekaḥ adhivāsaḥ.
1.2.6
ehi ehi iti tam āhutayaḥ suvarcasaḥ sūryasya raśmibhiḥ yajamānam vahanti.
priyām vācam abhivadantyaḥ arcayantyaḥ eṣaḥ vaḥ puṇyaḥ sukṛtaḥ brahmalokaḥ.
1.2.7
plavāḥ hi ete adṛḍhāḥ yajñarūpāḥ aṣṭādaśa uktam avaram yeṣu karma.
etat śreyaḥ ye abhinandanti mūḍhāḥ jarāmṛtyum te punar eva apiyanti.
1.2.8
avidyāyām antare vartamānāḥ svayandhīrāḥ paṇḍitam manyamānāḥ.
jaṅghanyamānāḥ pariyanti mūḍhāḥ andhena eva nīyamānāḥ yathā andhāḥ.
1.2.9
avidyāyām bahudhā vartamānāḥ vayam kṛtārthāḥ iti abhimanyanti bālāḥ.
yat karmiṇaḥ na pravedayanti rāgāt tena āturāḥ kṣīṇalokāḥ cyavante.
1.2.10
iṣṭāpūrtam manyamānāḥ variṣṭham na anyat śreyaḥ vedayante pramūḍhāḥ.
nākasya pṛṣṭhe te sukṛte anubhūtvā imam lokam hīnataram vā viśanti.
1.2.11
tapaḥśraddhe ye hi upavasanti araṇye śāntāḥ vidvāṃsaḥ bhaikṣacaryām carantaḥ.
sūryadvāreṇa te virajāḥ prayānti yatra amṛtaḥ saḥ puruṣaḥ hi avyayātmā.
1.2.12
parīkṣya lokān karmacitān brāhmaṇaḥ nirvedam āyāt na asti akṛtaḥ kṛtena.
tat vijñānārtham saḥ gurum eva abhigacchet samitpāṇiḥ śrotriyam brahmaṇiṣṭham.
1.2.13
tasmai saḥ vidvān upasannāya samyak praśāntacittāya śamānvitāya.
yena akṣaram puruṣam veda satyam provāca tām tattvataḥ brahmavidyām.
Translations (2)
- The Upanishads, Part II (SBE 15) — Friedrich Max Müller 1884, English
- The Thirteen Principal Upanishads — Robert Ernest Hume 1921, English
Commentaries (3)
- Muṇḍakaprakāśikā (Raṅgarāmānuja) — Raṅgarāmānuja Muni 1500, Sanskrit
- Muṇḍakopaniṣadbhāṣya — Śaṅkara, Sanskrit
- Commentary of Upaniṣadbrahmayogin — Upaniṣadbrahmayogin 1700, Sanskrit
Linked texts (1)
- Muṇḍakopaniṣad — Sanskrit