Upanishads 10

Upaniṣads 10

Language: Sanskrit

10.12 — 2 parts

10.1

atha hainaṃ bhārgavo vaidarbhiḥ papraccha || bhagavankatyeva
devāḥ prajāṃ vidhārayante katara etatprakāśayante kaḥ punareṣāṃ
variṣṭha iti

10.2

tasmai sa hovācākāśo ha vā eṣa
devo vāyuragnirāpaḥ pṛthivī vāṅmanaścakṣuḥ śrotraṃ ca
te prakāśyābhivadanti vayametadvāṇamavaṣṭabhya vidhārayāmaḥ

10.3

tānvariṣṭhaḥ prāṇa uvāca mā mohamāpadyathāhamevaitatpañcadhātmānaṃ pravibhajyaitadvāṇamavaṣṭabhya vidhārayāmīti

te'śraddadhānā babhūvuḥ so'bhimānādūrdhvamutkrāmata iva tasminnutkrāmatyathetare sarva evotkrāmante tasmiṃśca pratiṣṭhamāne sarva eva prātiṣṭhante tadyathā makṣikā
madhukararājānamutkrāmantaṃ sarvā evotkrāmante evamasmiṃśca pratiṣṭhamāne sarvā eva prātiṣṭhanta evaṃ vāṅmanaścakṣuḥ
śrotraṃ ca te prītāḥ prāṇaṃ stunvanti

10.5

eṣo'gnistapatyeṣa sūrya eṣa parjanyo maghavāneṣa vāyureṣa pṛthivī rayidevaḥ sadasaccāmṛtaṃ ca yat

10.6

arā iva rathanābhau
prāṇe sarvaṃ pratiṣṭhitam || ṛco yajūṃṣi sāmāni yajñaḥ
kṣatraṃ brahma ca

10.7

prajāpatiścarasi garbhe tvameva pratijāyase || tubhyaṃ prāṇaḥ prajāstvamā baliṃ haranti yaḥ
prāṇaiḥ pratitiṣṭhasi

10.8

devānāmasi vahnitamaḥ pitṝṇāṃ
prathamā svadhā || ṛṣīṇāṃ caritaṃ satyamatharvāṅgirasāmasi

10.9

indrastvaṃ prāṇatejasā rudro'si parirakṣitā
tvamantarikṣe carasi sūryastvaṃ jyotiṣāṃ patiḥ

10.10

yadā tvamabhivarṣasyathemāḥ prāṇate prajāḥ || ānandarūpāstiṣṭhanti kāmāyānnaṃ bhaviṣyatīti

10.11

vrātyastvaṃ
prāṇaikaṛṣirattā viśvasya satpatiḥ || vayamādyasya dātāraḥ
pitā tvaṃ mātariśvanaḥ

10.12

yā te tanūrvāci pratiṣṭhitā
yā śrotre yā ca cakṣuṣi || yā ca manasi saṃtatā śivāṃ
tāṃ kuru motkramīḥ

10.12.p1

prāṇasyedaṃ vaśe sarvaṃ tridive
yatpratiṣṭhitam || māteva putrānrakṣasva śrīśca prajñāṃ ca vidhehi

10.12.p2

iti || 13 || iti dvitīyaḥ praśnaḥ || 2