Upanishads 114

Upaniṣads 114

Language: Sanskrit

114.9 — 1 part

114.1

sa hovāca kiṃ me idannaṃ bhaviṣyatīti yatkicididamā
śvabhya ā śakunibhya iti hocustadvā etadannamano
ha vai nāma pratyakṣaṃ na ha vā evaṃvidi kiṃcanānannaṃ bhavatīti

114.2

sa hovāca kiṃ me vāso bhaviṣyatītyāpa
iti hocustasmādvā etadaśiṣyantaḥ purastāccopariṣṭāccādbhiḥ
paridadhati lambhuko ha vāso bhavatyanagno ha bhavati

114.3

taddhaitatsatyakāmo jābālo gośrutaye vaiyāghrapadyāyoktvovāca yadyapyenacchuṣkāya sthāṇave brūyājjāyerannevāsmiñchākhāḥ praroheyuḥ palāśānīti

114.4

atha yadi mahajjigamiṣedamāvāsyāyāṃ dīkṣitvā paurṇamāsyāṃ rātrau sarvauṣadhasya manthaṃ dadhimadhunorupamathya jyeṣṭhāya śreṣṭhāya svāhetyagnāvājyasya hutvā manthe saṃpātamavanayet

vasiṣṭhāya svāhetyagnāvājyasya hutvā manthe saṃpātamavanayepratiṣṭhāyai svāhetyagnāvājyasya hutvā manthe saṃpātamavanayetsaṃpade svāhetyagnāvājyasya hutvā manthe saṃpātamavanayedāyatanāya svāhetyagnāvājyasya hutvā manthe saṃpātamavanayet

114.6

atha pratisṛpyāñjalau manthamādhāya japatyamo nāmāsya
mā hi te sarvamidam̐ sa hi jyeṣṭhaḥ śreṣṭho rājādhipatiḥ
sa mā jyaiṣṭhyaʼ śraiṣṭhyaʼ rājyamādhipatyaṃ gamayatvahamevedaʼ
sarvamasānīti

114.7

atha khalvetayarcā pṛccha ācāmati
tatsaviturvṛṇīmaha ityācāmati vayaṃ devasya bhojanamityācāmati śreṣṭhaʼ sarvadhātamamityācāmati turaṃ bhagasya
dhīmahīti sarvaṃ pibati