Upanishads 138
Upaniṣads 138
- Language
- Sanskrit
Contents
- 138.7 — 1 part
138.1
oṃ śvetaketurhāruṇeya āsa tarm̐ ha pitovāca śvetaketo
vasa brahmacaryaṃ na vai somyāsmatkulīno'nanūcya brahmabandhuriva
bhavatīti
138.2
sa ha dvādaśavarṣa upetya caturviṃśativarṣaḥ
sarvānvedānadhītya mahāmanā anūcānamānī stabdha eyāya
tarṃ ha pitovāca śvetaketo yannu somyedaṃ mahāmanā anūcānamānī stabdho'syuta tamādeśamaprākṣyaḥ
138.3
yenāśrutarṃ
śrutaṃ bhavatyamataṃ matamavijñātaṃ vijñātamiti kathaṃ nu bhagavaḥ
sa ādeśo bhavatīti
138.4
yathā somyaikena mṛtpiṇḍena sarvaṃ
mṛnmayaṃ vijñātarṃ syādvācārambhaṇaṃ vikāro nāmadheyaṃ mṛttiketyeva satyam
138.5
yathā somyaikena lohamaṇinā sarvaṃ lohamayaṃ
vijñātarṃ syādvācārambhaṇaṃ vikāro nāmadheyaṃ lohamityeva
satyam
138.6
yathā somyaikena nakhanikṛntanena sarvaṃ kārṣṇāyasaṃ vijñāta ॅ syādvācārambhaṇaṃ vikāro nāmadheyaṃ kṛṣṇāyasamiyeva satyamevam̐ somya sa ādeśo bhavatīti
138.7
na
vai nūnaṃ bhagavantasta etadvediṣuryaṅkṣetadvediṣyan kathaṃ me
nāvakṣyanniti bhagavām̐stvevametadbravītviti tathā somyeti
hovāca
138.7.p1
iti prathamaḥ khaṇḍaḥ
Linked texts (1)
- Chāndogyopaniṣad — Sanskrit