Upanishads 139
Upaniṣads 139
- Language
- Sanskrit
Contents
- 139.4 — 1 part
139.1
sadeva somyedamagra āsīdekamevādvitīyaṃ taddhaika āhurasadevedamagra āsīdekamevādvitīyaṃ tasmādasataḥ sajjāyata
139.2
kutastu khalu somyaivam̐ syāditi hovāca kathamasataḥ sajjāyeteti sattveva somyedamagra āsīdekamevādvitīyam
139.3
tadaikṣata bahu syāṃ prajāyeyeti tattejo'sṛjata
tatteja aikṣata bahu syāṃ prajāyeyeti tadapo'sṛjata tasmādyatra kva ca śocati svedate vā puruṣastejasa eva tadadhyāpo
jāyante
139.4
tā āpa aikṣanta bahvayaḥ syāma prajāyemahīti tā annamasṛjanta tasmādyatra kva ca varṣati tadeva
bhūyiṣṭhamannaṃ bhavatyabhya eva tadadhyannādyaṃ jāyate
139.4.p1
iti dvitīyaḥ khaṇḍaḥ
Linked texts (1)
- Chāndogyadīpikā — Sanskrit