Upanishads 14
Upaniṣads 14
- Language
- Sanskrit
Contents
- 14.8 — 1 part
14.1
atha hainaṃ sukeśā bhāradvājaḥ papraccha || bhagavanhiraṇyanābhaḥ kausalyo rājaputro māsupetyaitaṃ praśnamapṛcchata
ṣoḍaśakalaṃ bhāradvāja puruṣaṃ vettha tamahaṃ kumāramabruvaṃ
nāhamimaṃ veda yadyahamimamavediṣaṃ kathaṃ te nāvakṣyamiti
samūlo vā eṣa pariśuṣyati yo'nṛtamabhivadati tasmānnāhamyanṛtaṃ vaktuṃ sa tūṣṇīṃ rathamāruhya pravavāja || taṃ tvā
pṛcchāmi kāsau puruṣa iti
14.2
tasmai sa hovāca
ihaivāntaḥśarīre somya sa puruṣo yasminnetāḥ ṣoḍaśakalāḥ prabhavantīti
14.3
sa īkṣāṃcakre || kasminnahamutkrānta utkrānto bhaviṣyāmi kasminvā pratiṣṭhite pratiṣṭhāsyāmīti
14.4
sa prāṇamasṛjata prāṇācchraddhāṃ khaṃ
vāyurjyotirāpaḥ pṛthivīndriyam || mano'nnamannādvīryaṃ tapo
mantrāḥ karmalokā lokeṣu ca nāma ca
14.5
sa yathemā
nadyaḥ syandamānāḥ samudrāyaṇāḥ samudraṃ prāpyāstaṃ gacchanti
bhidyete cāsāṃ nāmarūpe samudra ityevaṃ procyate || evamevāsya paridraṣṭurimāḥ ṣoḍaśakalāḥ puruṣāyaṇāḥ puruṣaṃ
prāpyāstaṃ gacchanti bhidyete tāsāṃ nāmarūpe puruṣa ityevaṃ
procyate sa eṣo'kalo'mṛto bhavati tadeṣa ślokaḥ
14.6
arā iva rathanābhau kalā yasminpratiṣṭhitāḥ || taṃ vedyaṃ
puruṣaṃ ved yathā mā vo mṛtyuḥ parivyathā iti
14.7
tānhovācaitāvadevāhametatparaṃ brahma veda nātaḥ paramastīti
14.8
te tamarcayantastvaṃ hi naḥ pitā yo'smākamavidyāyāḥ paraṃ pāraṃ tārayasīti || namaḥ paramaṛṣibhyo
namaḥ paramaṛṣibhyaḥ
14.8.p1
iti ṣaṣṭaḥ praśnaḥ
Linked texts (10)
- Īśādiviṃśottaraśatopaniṣadaḥ — Sanskrit
- Praśnopaniṣad — Pippalāda, Sanskrit
- Aṣṭottaraśatopaniṣadaḥ — Sanskrit
- Mantrapuṣpa — Sanskrit
- Aṣṭāviṃśatyupaniṣad — Sanskrit
- Īśādyupaniṣadaḥ — Sanskrit
- Īśādidvādaśopaniṣadaḥ — Sanskrit
- Different Upaniṣads — Sanskrit
- Daśopaniṣad — Sanskrit
- Upaniṣads Īśa to Aitareya — Sanskrit