Upanishads 181
Upaniṣads 181
- Language
- Sanskrit
Contents
- 181.6 — 1 part
181.1
aṣṭamo'dhyāyaḥ
atha yadidamasminbrahmapure daharaṃ puṇḍarīkaṃ veśma
daharo'sminnantarākāśastasminyadantastadanveṣṭavyaṃ tadvāva
vijijñāsitavyamiti
181.2
taṃ cedbrūyuryadidamasminbrahmapure daharaṃ puṇḍarīkaṃ veśma daharo'sminnantarākāśaḥ kiṃ
tadatra vidyate yadanveṣṭavyaṃ yadvāva vijijñāsitavyamiti
181.3
sa brūyādyāvānvā ayamākāśastāvāneṣo'ntarhṛdaya
ākāśa ubhe asmin dyāvāpṛthivī antareva samāhite
ubhāvagniśca vāyuśca sūryācandramasāvubhau vidyunnakṣatrāṇi
yaccāsyehāsti yacca nāsti sarvaṃ tadasminsamāhitamiti
181.4
taṃ cedbūyurasminbrahmapure sarvaṃsamāhitaṃsarvāṇi
ca bhūtāni sarve ca kāmā yadainajjarāmāpnoti pradhvaṃsate
vā kiṃ tato'tiśiṣyata iti
181.5
sa brūyānnāsya
jarayaitajjīryati na vadhenāsya hanyata etatsatyaṃ brahmapuramasminkāmāḥ samāhitā eṣa ātmāpahatapāpmā vijaro
vimṛtyurviśoko vijighatso'pipāsaḥ satyakāmaḥ satyasaṃkalpo yathā hyeveha prajā anvāviśanti yathānuśāsanaṃ
yaṃ yamantamabhikāmā bhavanti yaṃ janapadaṃ yaṃ kṣetrabhāgaṃ
taṃ tamevopajīvanti
181.6
tadyatheha karmajito lokaḥ
kṣīyata evamevāmutra puṇyajito lokaḥ kṣīyate tadya
ihātmānamanuvidya vrajantyetāṃśca satyān kāmāṃsteṣāṃ sarveṣu lokeṣvakāmacāro bhavatyatha ya ihātmānamanuvidya vrajantyetāṃśca satyān kāmāṃsteṣāṃ
sarveṣu lokeṣu kāmacāro bhavati
181.6.p1
iti prathamaḥ khaṇḍaḥ
Linked texts (1)
- Mantrapuṣpa — Sanskrit