Upanishads 182
Upaniṣads 182
- Language
- Sanskrit
Contents
- 182.10 — 1 part
182.1
sa yadi pitṛlokakāmo bhavati saṃkalpādevāsya pitaraḥ
samuttiṣṭhanti tena pitṛlokena saṃpanno mahīyate
182.2
atha yadi mātṛlokakāmo bhavati saṃkalpādevāsya mātaraḥ
samuttiṣṭhanti tena mātṛlokena saṃpanno mahīyate
182.3
atha yadi bhrātṛlokakāmo bhavati saṃkalpādevāsya bhrātaraḥ
samuttiṣṭhanti tena bhrātṛlokena saṃpanno mahīyate
182.4
atha yadi svasṛlokakāmo bhavati saṃkalpādevāsya svasāraḥ
samuttiṣṭhanti tena svarasūlokena saṃpanno mahīyate
182.5
atha yadi sakhilokakāmo bhavati saṃkalpādevāsya sakhāyaḥ samuttiṣṭhanti tena sakhilokena saṃpanno mahīyate
182.6
atha yadi gandhamālyalokakāmo bhavati saṃkalpādevāsya
gandhamālye samuttiṣṭhatastena gandhamālyalokena saṃpanno
mahīyate
182.7
atha yadyannapānalokakāmo bhavati saṃkalpādevāsyānnapāne samuttiṣṭhatastenānnapānalokena saṃpanno
mahīyate
182.8
atha yadi gītavāditalokakāmo bhavati
saṃkalpādevāsya gītavādite samuttiṣṭhatastena gītavāditalokena saṃpanno mahīyate
182.9
atha yadi strīlokakāmo
bhavati saṃkalpādevāsya striyaḥ samuttiṣṭhanti tena strīlokena saṃpanno mahīyate
182.10
yaṃ yamantamabhikāmo
bhavati yaṃ kāmaṃ kāmayate so'sya saṃkalpādeva samuttiṣṭhati tena saṃpanno mahīyate
182.10.p1
iti dvitīyaḥ khaṇḍaḥ