Upanishads 190
Upaniṣads 190
- Language
- Sanskrit
Contents
- 190.4 — 1 part
190.1
ya eṣa svapne mahīyamānaścaratyeṣa ātmeti hovācaitadamṛtamabhayametadbrahmeti sa ha śāntahṛdayaḥ pravavrāja
sahāprāpyaiva devānetadvayaṃ dadarśa tadyadyapīdam̐ śarīramandhaṃ
bhavatyanandhaḥ sa bhavati yadi svāmamasvāmo naivaiṣo'sya
doṣeṇa duṣyati
190.2
na vadhenāsya hanyate nāsya
svāmyeṇa svāmo ghnanti tvevainaṃ vicchādayantīvāpriyavetteva
bhavatyapi roditīva nāhamatra bhogyaṃ paśyāmīti
190.3
samitpāṇiḥ punareyāya tam̐ ha prajāpatiruvāca maghavanyacchāntahṛdayaḥ prāvrājīḥ kimicchan punarāgama iti sa
hovāca tadyadyapīdaṃ bhagavaḥ śarīramandhaṃ bhavatyanandhaḥ sa
bhavati yadi svāmamasvāmo naivaiṣo'sya doṣeṇa duṣyati
190.4
na vadhenāsya hanyate nāsya svāmyeṇa svāmo ghnanti
tvevainaṃ vicchādayantīvāpriyavetteva bhavatyapiroditīva
nāhamatra bhogyaṃ paśyāmītyevamevaiṣa maghavanniti hovācaitaṃ
tveva te bhūyo'nuvyākhyāsyāmi vasā'parāṇi dvātrim̐śataṃ
varṣāṇīti sa hā'parāṇi dvātrim̐śataṃ varṣāṇyuvāsa tasmai
hovāca
190.4.p1
iti daśamaḥ khaṇḍaḥ
Linked texts (1)
- Aṣṭottaraśatopaniṣadaḥ — Sanskrit