Upanishads 192
Upaniṣads 192
- Language
- Sanskrit
Contents
- 192.6 — 1 part
192.1
maghavanmartyaṃ vā idaṃ śarīramāttaṃ mṛtyunā tadasyāmṛtasyāśarīrasyātmano'dhiṣṭhānamātto vai saśarīraḥ priyāpriyābhyāṃ na vai saśarīrasya sataḥ priyāpriyayorapahatirastyaśarīraṃ vāva santaṃ na priyāpriye spṛśataḥ
192.2
aśarīro vāyurabhraṃ vidyutstanayitnuraśarīrāṇyetāni tadyathaitānyamuṣmādākāśātsamutthāya paraṃ jyotirupasaṃpadya svena svena rūpeṇābhiniṣpadyante
192.3
evamevaiṣa saṃprasādo'smāccharīrātsamutthāya paraṃ jyotirupasaṃpadya svena rūpeṇābhiniṣpadyate sa uttamaḥ puruṣaḥ sa tatra paryeti jakṣankrīḍanramamāṇaḥ
strībhirvā yānairvā jñātibhirvā nopajanam̐ smarannidam̐
śarīram̐ sa yathā prayogya ācaraṇe yukta evamevāyamasminccharīre prāṇo yuktaḥ
192.4
atha yatraitadākāśamanuviṣaṇṇaṃ cakṣuḥ sa cākṣuṣaḥ puruṣo darśanāya cakṣuratha yo
vededaṃ jighrāṇīti sa ātmā gandhāya ghrāṇamatha yo vededamabhivyāharāṇīti sa ātmā'bhivyāhārāya vāgatha yo
vededam̐ śrṛṇavānīti sa ātmā śravaṇāya śrotram
192.5
atha yo vededaṃ manvānīti sa ātmā mano'sya daivaṃ cakṣuḥ
sa vā eṣa etena daivena cakṣuṣā manasaitān kāmān
paśyan ramate
192.6
ya yate brahmaloke taṃ vā etaṃ devā
ātmānamupāsate tasmātteṣām̐ sarve ca lokā āttāḥ
sarve ca kāmāḥ sa sarvām̐śca lokānāpnoti sarvām̐śca
kāmānyastamātmānamanuvidya vijānātīti ha prajāpatiruvāca prajāpatiruvāca ca
192.6.p1
iti dvādaśaḥ khaṇḍaḥ