Upanishads 197
Upaniṣads 197
- Language
- Sanskrit
Contents
- 197.2 — 1 part
197.1
oṃ pūrṇamadaḥ pūrṇamidaṃ pūrṇātpūrṇamudacyate || pūrṇasya
pūrṇamādāya pūrṇamevāvaśiṣyate || oṃ śāntiḥ śāntiḥ
śāntiḥ
oṃ uṣā vā aśvasya medhyasya śiraḥ || sūryaścakṣurvātaḥ
prāṇo vyāttamagnirvaiśvānaraḥ saṃvatsara ātmāśvasya medhyasya
dyauḥ pṛṣṭhamantarikṣamudaraṃ pṛthivī pājasyam | diśaḥ
pārśve avāntaradiśaḥ parśava ṛtavo'ṅgāni māsāścārdhamāsāśca parvāṇyahorātrāṇi pratiṣṭhā nakṣatrāṇyasthīni
nabho māṃsāni | ūvadhyam̐sikatāḥ sindhavo gudā yakṛcca
klomānaśca parvatā oṣadhayaśca vanaspatayaśca lomāni udyan
pūrvārdho nimlocañjaghanārdho tadvijṛmbhate yadvidyotate yadvidhūnute tatstanayati yanmehati tadvarṣati vāgevāsya vāk
197.2
aharvā aśvaṃ purastānmahimānvajāyata tasya pūrve samudre
yonī rātrirenaṃ paścānmahimānvajāyata tasyāpare samudre
yoniretau vā aśvaṃ mahimānāvabhitaḥ saṃbabhūvatuḥ | hayo
bhūtvā devānavahadvājī gandharvānarvā'surānaśvo manuṣyān
samudra evāsya bandhuḥ samudro yoniḥ
197.2.p1
iti prathamaṃ brāhmaṇam
Linked texts (9)
- Īśādiviṃśottaraśatopaniṣadaḥ — Sanskrit
- Kāṇva — Sanskrit
- Aṣṭottaraśatopaniṣadaḥ — Sanskrit
- Aṣṭāviṃśatyupaniṣad — Sanskrit
- Īśādyupaniṣadaḥ — Sanskrit
- Īśādidvādaśopaniṣadaḥ — Sanskrit
- Different Upaniṣads — Sanskrit
- Vājasaneyi bṛhadāraṇyaka — Sanskrit
- Madhukāṇḍa — Sanskrit