Upanishads 198
Upaniṣads 198
- Language
- Sanskrit
Contents
- 198.7 — 1 part
198.1
naiveha kiṃcanāgra āsīnmṛtyunaivedamāvṛtamāsīt | aśanāyayāśanāyā hi mṛtyustanmano'kurutātmanvī syāmiti
so'rcannacarattasyārcata āpojāyantārcante vai mekamabhūditi
tadevārkasyārkatvam karṃ ha vā asmai bhavati ya
evametadarkasyārkatvaṃ veda
198.2
āpo vā arkastadyadapāṅśara āsītsamahanyata sā pṛthivyabhavattasyāmaśrāmyattasya śrāntasya taptasya tejo raso niravartatātriḥ
198.3
sa tredhātmānaṃ vyakurutādityaṃ tṛtīyaṃ vāyuṃ tṛtīyarṃsa eṣa
prāṇastredhā vihitaḥ | tasya prācī dikchiro'sau cāsau
cemau | athāsya pratīcī dik pucchamasau cāsau ca sakthyau
dakṣiṇā codīcī ca pārśve dyauḥ pṛṣṭhamantarikṣamudaramiyamuraḥ
sa eṣo'psu pratiṣṭhito yatra kva caiti tadeva pratitiṣṭhatyevaṃ
vidvān
198.4
so'kāmayata dvitīyo ma ātmā jāyeteti sa manasā vācaṃ mithunarasamabhavadaśanāyā mṛtyustadyadeta āsītsa saṃvatsaro'bhavat | na ha purā tataḥ saṃvatsara āsa tametāvantaṃ kālamabibhaḥ | yāvānsaṃvatsarastametāvataḥ kālasya parastādasṛjata | taṃ jātamabhivyādadātsa bhāṇakarotsaiva vāgabhavat
198.5
sa aikṣata yadi vā imamabhimarsye kanīyo'nnaṃ kariṣya iti sa tayā vācā tenātmanedaṃ sarvamasṛjata yadidaṃ kiṃcarco yajūṃṣi sāmāni
chandām̐si yajñān prajāḥ paśūn | sa yadyadevāsṛjata tattadttumadhiyata sarvaṃ vā attīti tadaditeradititvaṃ sarvasyaitasyāttā bhavati sarvamasyānnaṃ bhavati ya evametadaditeradititvaṃ veda
198.6
so kāmayata bhūyasā yajñena bhūyo
yajeyeti so'śrāmyatsa tapo'tapyata tasya śrāntasya
tasya yaśovīryamudakrāmat prāṇā vai yaśo vīryaṃ
tatprāṇeṣūtkrānteṣu śarīram̐ śvayitumadhiyata tasya śarīra
eva mana āsīt
198.7
so'kāmayata medhyaṃ ma idam̐
syādātmanvayena syāmiti tato'śvaḥ samabhavadyadaśravattanmedhyamabhūditi tadevāśvamedhasyāśvamedhatvam | eṣa ha vā
aśvamedhaṃ veda ya enamevaṃ veda tamanavaruddhyaivāmanyata
tam̐ saṃvatsarasya parastādātmana ālabhata paśūndevatābhyaḥ
prāyauhat tasmātsarvadevatyaṃ prokṣitaṃ prājāpatyamālabhanta
eṣa havā aśvamedho ya eṣa tapati tasya saṃvatsara ātmāyaḥmagnirarkastasyeme lokā ātmānastāvetāvarkāśvamedhau
sopunarekaiva devatā bhavati mṛtyurevāpapunarmṛtyuṃ jayati
nainaṃ mṛtyurāpnoti mṛtyurasyātmā bhavatyetāsāṃ devatānāmeko bhavati
198.7.p1
iti dvitīyaṃ brāhmaṇam
Linked texts (11)
- Kāṇva — Sanskrit
- Mādhyandina — Sanskrit
- Īśādiviṃśottaraśatopaniṣadaḥ — Sanskrit
- Vājasaneyi bṛhadāraṇyaka — Sanskrit
- Madhukāṇḍa — Sanskrit
- Aṣṭāviṃśatyupaniṣad — Sanskrit
- Īśādyupaniṣadaḥ — Sanskrit
- Īśādidvādaśopaniṣadaḥ — Sanskrit
- Aṣṭottaraśatopaniṣadaḥ — Sanskrit
- Bṛhadāraṇyakopaniṣadbhāṣyavārttikasāra — Mādhava, Sanskrit
- Different Upaniṣads — Sanskrit