Upanishads 20
Upaniṣads 20
- Language
- Sanskrit
Contents
- 20.10 — 1 part
20.1
iti dvitīyamuṇḍakaṃ samāptam
dvā suparṇā sayujā sakhāyā samānaṃ vṛkṣaṃ pariṣasvajāte
tayoranyaḥ pippalaṃ svādvattyanaśnannanyo abhicākaśīti
20.2
samāne vṛkṣe puruṣo nimagno'nīśayā śocati
muhyamānaḥ || juṣṭaṃ yadā paśyatyanyamīśamasya mahimānamiti vītaśokaḥ
20.3
yadā paśyaḥ paśyate rukmavarṇaṃ
kartāramīśaṃ puruṣaṃ brahmayonim || tadā vidvānpuṇyapāpe
vidhūya nirañjanaḥ paramaṃ sāmyamupaiti
20.4
prāṇo hyeṣa
yaḥ sarvabhūtairvibhāti vijānanvidvānbhavate nātivādī
ātmakrīḍa ātmaratiḥ kriyāvāneṣa brahmavidāṃ variṣṭhaḥ
20.5
satyena labhyastapasā hyeṣa ātmā samyagjñānena
brahmacaryeṇa nityam || antaḥśarīre jyotirmayo hi śubhro
yaṃ paśyanti yatayaḥ kṣīṇadoṣāḥ
20.6
satyameva jayate
nānṛtaṃ satyena panthā vitato devayānaḥ || yenākramantyṛṣayo
hyāptakāmā yatra tatsatyasya paramaṃ nidhānam
20.7
bṛhacca
taddivyamacintyarūpaṃ sūkṣmācca tatsūkṣmataraṃ vibhāti
dūrātsudūre tadihāntike ca paśyatsvihaiva nihitaṃ guhāyām
20.8
na cakṣuṣā gṛhyate nāpi vācā nānyadevaistapasā karmaṇā vā || jñānaprasādena viśuddhasattvastatastu taṃ paśyate niṣkalaṃ dhyāyamānaḥ
20.9
eṣo'ṇurātmā cetasā veditavyo yasminprāṇaḥ pañcadhā saṃviveśa || prāṇaiścittaṃ sarvamotaṃ prajānāṃ yasminviśuddhe vibhavatyeṣa ātmā
20.10
yaṃ yaṃ lokaṃ manasā saṃvibhāti viśuddhasattvaḥ kāmayate yāṃśca kāmān || taṃ taṃ lokaṃ jayate tāṃśca kāmāṃstasmādātmajñaṃ hyarcayedbhūtikāmaḥ
20.10.p1
iti tṛtīyamuṇḍake prathamaḥ khaṇḍaḥ
Linked texts (7)
- Aṣṭottaraśatopaniṣadaḥ — Sanskrit
- Aṣṭāviṃśatyupaniṣad — Sanskrit
- Īśādidvādaśopaniṣadaḥ — Sanskrit
- Different Upaniṣads — Sanskrit
- Daśopaniṣad — Sanskrit
- Upaniṣads Īśa to Aitareya — Sanskrit
- Pañcopaniṣadaḥ — Sanskrit