Upanishads 210
Upaniṣads 210
- Language
- Sanskrit
Contents
- 210.13 — 1 part
210.1
atha hainaṃ jāratkārava ārtabhāgaḥ papraccha yājñavalkyeti
hovāca kati grahāḥ katyatigrahā ityaṣṭau grahā aṣṭāvatigrahā iti yete'ṣṭau grahā aṣṭāvatigrahāḥ katame ta iti
210.2
prāṇo vai grahaḥ sopānenātigrāheṇa gṛhīto'pānena
hi gandhāñjighrati
210.3
vāgvai grahaḥ sa nāmnātigrāheṇa
gṛhīto vācā hi nāmānyabhivadati
210.4
jihvā vai
grahaḥ sa rasenātigrāheṇa gṛhīto jihvayā hi rasānvijānāti
210.5
cakṣurvai grahaḥ sa rūpeṇātigrāheṇa gṛhītaścakṣuṣā hi rūpāṇi paśyati
210.6
śrotraṃ vai grahaḥ sa
śabdenātigrāheṇa gṛhītaḥ śrotreṇa hi śabdāñśṛṇoti
210.7
mano vai grahaḥ sa kāmenātigrāheṇa gṛhīto manasā hi
kāmānkāmayate
210.8
hastau vai grahaḥ sa karmaṇātigrāheṇa
gṛhīto hastābhyāṃ hi karma karoti
210.9
tvagvai grahaḥ
sa sparśenātigrāheṇa gṛhītastvacā hi sparśānveda yata
ityete'ṣṭau grahā aṣṭāvatigrahāḥ
210.10
yājñavalkyeti
hovāca yadidam̐ sarvaṃ mṛtyorannaṃ kā svitsā devatā yasyā
mṛtyurannamityagnirvai mṛtyuḥ so'pāmannamapa punarmṛtyuṃ jayati
210.11
yājñavalkyeti hovāca yatrā'yaṃ puruṣo mriyata
udsthātprāṇāḥ krāmantyāho 3 neti neti hovāca yājñavalkyo'traiva samavanīyante sa ucchvayatyādhmāya tyādhmāto
mṛtaḥ śete
210.12
yājñavalkyeti hovāca yatrāyaṃ puruṣo
mriyate kimenaṃ na jahātīti nāmetyanantaṃ vai nāmānantā
viśvedevā anantameva sa tena lokaṃ jayati
210.13
yājñavalkyeti hovāca yatrāsya puruṣasya mṛtasyāgniṃ vāgapyeti vātaṃ prāṇaścakṣurādityaṃ manaścandraṃ diśaḥ śrotraṃ pṛthivīṃ śarīramākāśamātmauṣadhīrlomāni vanaspatīnkeśā
apsu lohitaṃ ca retaśca nidhīyate kāyaṃ tadā puruṣo bhavatītyāhara somya hastamādāya bhāgāvāmevaitasya vediṣyāvo
na nāvetat sa jana iti tau hotkramya mantrayāṃcakrāte tau
ha yadūcatuḥ karma haiva tadūcaturatha yatpraśaśaṃsatuḥ karma haiva
tatpraśaśaṃsatuḥ puṇyo vai puṇyena karmaṇā bhavati pāpaḥ
pāpeneti tato ha jāratkārava ārtabhāga upararāma
210.13.p1
iti dvitīyaṃ brāhmaṇam || 2
Linked texts (7)
- Mādhyandina — Sanskrit
- Aṣṭottaraśatopaniṣadaḥ — Sanskrit
- Aṣṭāviṃśatyupaniṣad — Sanskrit
- Bṛhadāraṇyakopaniṣadbhāṣyavārttikasāra — Mādhava, Sanskrit
- Īśādyupaniṣadaḥ — Sanskrit
- Īśādidvādaśopaniṣadaḥ — Sanskrit
- Vājasaneyi bṛhadāraṇyaka — Sanskrit