Upanishads 211
Upaniṣads 211
- Language
- Sanskrit
Contents
- 211.2 — 1 part
211.1
atha hainaṃ bhujyurlāhyāyaniḥ papraccha yājñavalkyeti hovāca
madreṣu carakāḥ paryatrrajāma te patañcalasya kāpyasya gṛhānaima
tasyāsīduhitā gandharvagṛhītā tamapṛcchāma ko'sīti
so'bravītsudhanvā''ṅgirasa iti taṃ yadā lokānāmantānapṛcchāmāthainamabrūma ka pārikṣitā abhavanniti ka pārikṣitā abhavan sa tvā pṛcchāmi yājñavalkya ka pārikṣitā
abhavanniti
211.2
sa hovācovāca vai so'gacchanvai te
tadyatrāśvamedhayājino gacchantīti ka nvaśvamedhayājino
gacchantīti dvātriṃśataṃ vai devarathāndvānyaṃ lokastū
samantaṃ pṛthivī dvistāvatparyeti tā̍ṃ samantaṃ pṛthivīṃ
dvistāvatsamudraḥ paryeti tadyāvatī kṣurasya dhārā yāvadvā
makṣikāyāḥ patraṃ tāvānantareṇākāśastānindraḥ suparṇo bhūtvā
vāyave prāyacchattānvāyurātmani dhitvā tatrāgamayadyatrāśvamedhayājino'bhavannilyevamiva vai sa vāyumeva praśaśām̐sa
tasmādvāyureva vyaṣṭirvāyuḥ samaṣṭirapa punarmṛtyuṃ jayati ya evaṃ
veda tato ha bhujyurlāhyāyanirupararāma
211.2.p1
iti tṛtīyaṃ brāhmaṇam
Linked texts (6)
- Īśādiviṃśottaraśatopaniṣadaḥ — Sanskrit
- Kāṇva — Sanskrit
- Aṣṭottaraśatopaniṣadaḥ — Sanskrit
- Īśādyupaniṣadaḥ — Sanskrit
- Īśādidvādaśopaniṣadaḥ — Sanskrit
- Different Upaniṣads — Sanskrit