Upanishads 212
Upaniṣads 212
- Language
- Sanskrit
Contents
- 212.2 — 1 part
212.1
atha hainamupastaśrākrāyaṇaḥ papraccha yājñavalkyetihovāca
yatsākṣādaparokṣādbrahma ya ātmā sarvāntarastaṃ me vyācakṣva
ityeṣa ta ātmā sarvāntaraḥ katamo yājñavalkya sarvāntaro
yaḥ prāṇena prāṇiti sa ta ātmā sarvāntaro yo'pānenāpāniti sa ta ātmā sarvāntaro yo vyānena vyāniti
sa ta ātmā sarvāntaro ya udānenodāniti sa ta ātmā
sarvāntara eṣa ta ātmā sarvāntaraḥ
212.2
sa hovācopastaśrākrāyaṇo yathā vibrūyādasau gaurasāvaśva ityevamevaitadyapadiṣṭaṃ bhavati yadeva sākṣādaparokṣādbrahma ya ātmā
sarvāntarastaṃ me vyācakṣvetyeṣa ta ātmā sarvāntaraḥ katamo
yājñavalkya sarvāntaro na dṛṣṭerdraṣṭāraṃ paśyerna śruteḥ śrotāraṃ
śṛṇuyānna matermantāraṃ manvīthā na vijñātervijñātāraṃ vijānīyā eṣa ta ātmā sarvāntaro'to'nyadārtaṃ tato hoṣastaśrākrāyaṇa upararāma
212.2.p1
iti caturthaṃ brāhmaṇam