Upanishads 214
Upaniṣads 214
- Language
- Sanskrit
Contents
- 214.1 — 1 part
214.1
atha hainaṃ gārgī vācaknavī papraccha yājñavalkyeti
hovāca yadidam̐ sarvamapsvotaṃ ca protaṃ ca kasminnu khalvāpa
otāśca protāśceti vāyau gārgīti kasminnu khalu vāyurotaśca protaścetyantarikṣalokeṣu gārgīti kasminnu khalvantarikṣalokā otāśca protāśceti gandharvalokeṣu gārgīti
kasminnu khalu gandharvalokā otāśca protāścetyādityalokeṣu gārgīti kasminnu khalvādityalokā otāśca protāśceti candralokeṣu gārgīti kasminnu khalu candralokā
otāśca protāśceti nakṣatralokeṣu gārgīti kasminnu khalu
nakṣatralokā otāśca protāśceti devalokeṣu gārgīti kasminnu
khalu devalokā otāśca protāścetīndralokeṣu gārgīti
kasminnu khalvindralokā otāśca protāśceti prajāpatilokeṣu gārgīti kasminnu khalu prajāpatilokā otāśca
protāśceti brahmalokeṣu gārgīti kasminnu khalu brahmalokā
otāśca protāśceti sa hovāca gārgī māti prākṣīrmā te
mūrdhā vyapapchadanatipraśyāṃ vai devatāmatipṛcchasi gārgi
mātiprākṣīriti tato ha gārgī vācaknavyupararāma
214.1.p1
iti ṣaṣṭhaṃ brāhmaṇam || 6