Upanishads 216
Upaniṣads 216
- Language
- Sanskrit
Contents
- 216.12 — 1 part
216.1
atha ha vācaknavyuvāca brāhmaṇā bhagavanto hantāhamimaṃ
dvau praśnau prakṣyāmi tau cenme vakṣyati na vai jātu yuṣmākamimaṃ kaścidbrahmodyaṃ jeteti pṛccha gārgīti
216.2
sā
hovācāhaṃ vai tvā yājñavalkya yathā kāiyo vā vaideho
vaiyāghraputra ujjyaṃ dhanuradhijyaṃ kṛtvā dvau bāṇavantau sapatnātivyādhinau haste kṛtvopottiṣṭhadevamevāhaṃ tvā dvābhyāṃ
praśnābhyāmupodasthāṃ tau me brūhīti pṛccha gārgīti
216.3
sā hovāca yadūrdhvaṃ yājñavalkya divo yadavāk pṛthivyā
yadantarā dyāvāpṛthivī ime yadbhūtaṃ ca bhavacca bhaviṣyaccettyācakṣate kasmiṃścatadotaṃ ca protaṃ ceti
216.4
sa hovāca
yadūrdhvaṃ gārgi divo yadavāk pṛthivyā yadantarā dyāvāpṛthivī ime yadbhūtaṃ ca bhavacca bhaviṣyaccetyācakṣata ākāśo
tadotaṃ ca protaṃ ceti
216.5
sā hovāca namaste'stu
yājñavalkya yo ma etaṃ vyavoco'parasmai dhārayasveti pṛccha
gārgīti
216.6
sā hovāca yadūrdhvaṃ yājñavalkya divo
yadavāk pṛthivyā yadantarā dyāvāpṛthivī ime yadbhūtaṃ ca
bhavacca bhaviṣyaccetyācakṣate kasmim̐stadotaṃ ca protaṃ ceti
216.7
sa hovāca yadūrdhvaṃ gārgi divo yadavāk pṛthivyā
yadantarā dyāvāpṛthivī ime yadbhūtaṃ ca bhavacca bhaviṣyaccetyācakṣata ākāśa eva tadotaṃ ca protaṃ ceti kasminnu
khalvākāśa otaśca protaśceti
216.8
sa hovācaitadvai
tadakṣaraṃ gārgi brāhmaṇā abhivadantyasthūlamanaṇvahrasvamadīrghamalohitamasnehamacchāyamatamo'vāyvanākāśamasaṅgamarasamagandhamacakṣuṣkamaśrotramavāgamano'tejaskamaprāṇamukhamamātramanantarabāhyaṃ na tadaśnāti kiṃcana na tadaśnāti
kaścana
216.9
etasya vā akṣarasya praśāsane gārgi sūryācandramasau vidhṛtau tiṣṭhata etasya vā akṣarasya praśāsane
gārgi dyāvāpṛthivyau vidhṛte tiṣṭhata etasya vā akṣarasya
praśāsane gārgi nimeṣā muhūrtā ahorātrāṇyardhamāsā
māsā ṛtavaḥ saṃvatsarā iti vidhṛtāstiṣṭhantyetasya vā
akṣarasya praśāsane gārgi prācyo'nyā nadyaḥ syandante
śvetebhyaḥ parvatebhyaḥ pratīcyo'nyā yāṃ yāṃ ca diśamanvetasya vā akṣarasya praśāsane gārgi dadato manuṣyāḥ
praśam̐santi yajamānaṃ devā darvīṃ pitaro'nvāyattāḥ
216.10
yo vā etadakṣaraṃ gārgyaviditvāsmim̐lloke juhoti yajate
tapastapyate bahūni varṣasahasrāṇyantavadevāsya tadbhavati yo
vā etadakṣaraṃ gārgyaviditvāsmāllokātpraiti sa kṛpaṇo'tha ya
etadakṣaraṃ gārgi viditvāsmāllokātpraiti sa brāhmaṇaḥ
216.11
tadvā etadakṣaraṃ gārgyadṛṣṭaṃ draṣṭṛśrutaṃ śrotramataṃ mantravijñātaṃ
vijñātṛ nānyadato'sti draṣṭṛ nānyadato'sti śrotṛ nānyadato'sti mantṛ nānyadato'sti vijñātretasminnu khalvakṣare
gārgyākāśa otaśca protaśceti
216.12
sā hovāca brāhmaṇā
bhagavantastadeva bahumanyethvaṃ yadasmānnamaskāreṇa mucyedhvaṃ na
vai jātu yuṣmākamimaṃ kaścidbrahmodyaṃ jeteti tato ha vācaknyupararāma
216.12.p1
iti aṣṭamaṃ brāhmaṇam