Upanishads 228
Upaniṣads 228
- Language
- Sanskrit
Contents
- 228.4 — 1 part
228.1
āpa evedamagra āsustā āpaḥ satyamasṛjanta satyaṃ
brahma brahma prajāpatiṃ prajāpatirdevām̐ste devāḥ satyamevopāsate tadetatryakṣaram̐ satyamiti sa ityekamakṣaraṃ tītyekamakṣaraṃ yamityekamakṣaraṃ prathamottame akṣare satyaṃ madhyato'nṛtaṃ
tadetadamṛtamubhayataḥ satyena parigṛhītam̐ satyabhūyameva bhavati nainaṃ vidvām̐samanṛtam̐hinasti
228.2
tadyattatsatyamasau sa
ādityo ya eṣa etasminmaṇḍale puruṣo yaścāyaṃ dakṣiṇekṣanpuruṣastāvetāvanyonyasminpratiṣṭhitau raśmibhireṣo'sminpratiṣṭhitaḥ prāṇairayamuṣmin sa yadotkramiṣyanbhavati
śuddhamevaitanmaṇḍalaṃ paśyati nainamete raśmayaḥ pratyāyanti
228.3
ya eṣa etasminmaṇḍale puruṣastasya bhūriti śira
ekaḥ śira ekametadakṣaraṃ bhuva iti bāhū dvau bāhū dve
ete akṣare svariti pratiṣṭhā dve pratiṣṭhe dve ete akṣare tasyopaniṣadhariti hanti pāpmānaṃ jahāti ca ya evaṃ veda
228.4
yo'yaṃ dakṣiṇekṣanpuruṣastasya bhūriti śira ekaḥ
śira ekametadakṣaraṃ bhuva iti bāhū dvau bāhū dve ete akṣare
svariti pratiṣṭhā pratiṣṭhe dve dve ete akṣare tasyopaniṣadahamiti hanti pāpmānaṃ jahāti ca ya evaṃ veda
228.4.p1
iti pañcamaṃ brāhmaṇam || 5